Кыргыз футболдук союзу менен Өзбекстан футбол ассоциациясынын калыстар комитети меморандумга кол коюшту

Биринчи жолу Кыргыз футболдук союзу менен Өзбекстан футбол ассоциациясы кызматташуу боюнча расмий документке кол коюшту.

12-мартта Кыргыз футболдук союзу менен Өзбекстан футбол ассоциациясынын Калыстар комитетинин төрагалары Бахадыр Кочкаров жана Бобур Хайдаров жолугушту. Анда эки өлкөнүн калыстар корпустарын өнүктүрүү, футбол аркылуу достукту бекемдөө, футбол адистери жана калыстарынын тажрыйба бөлүшүүсүн иш жүзүнө ашырууну талкуулашты.

Жолугушуунун жыйынтыгында эки өлкөнүн Калыстар комитети кызматташуу боюнча меморандумга кол коюшту.

Автор: Азат Бейшенбеков