Бишкекте биринчи жолу өтө турган дзюдо боюнча Азия чемпиондугунда өлкө намысын кимдер коргойт? (тизме)

Апрель айында биринчи жолу Бишкекте өтө турган дзюдо боюнча рейтингдик Азия жана Океания чемпиондугунда Кыргыз өлкөсүнүн намысын 9 дзюдочу коргойт. Бул тууралуу Дзюдо федерациясынан билдиришти.

Азия чемпиондугунда өлкө намысын төмөнкү дзюдочулар коргойт:

60 килограмм салмакка чейин: Айбек Кубанычбек уулу жана Отар Бестаев;

66 килограмм салмакка чейин: Артур Те жана Байбол Саламат уулу;

73 килограмм салмакка чейин: Бексултан Султанов;

81 килограмм салмакка чейин: Владимир Золоев;

90 килограмм салмакка чейин: Эрлан Шеров;

100 килограмм салмактан жогору: Юрий Краковецкий жана Бекболот Токтогонов.

Азия жана Океания чемпиондугу Бишкек шаарындагы "Газпром – балдарга" ден соолукту чыңдоо борборунда 6-апрелден 9-апрелге чейин өтөт. Бул мелдеш олимпиада оюндарына рейтингдик болуп эсептелет. Чемпиондукка 30дан ашык Азия мамлекеттеринен 400-500 спортчунун катышуусу пландаштырылып жатат.

Автор: Азат Бейшенбеков