"Памирлик кыргыздардын жашоосун жакшырталы". Кыргыз өлкөсү менен Ооганстандын ортосунда сүйлөшүүлөр болду

Кыргыз өлкөсү менен Ооганстандын тышкы иштер министрлери бүгүн, 18-мартта видеоконференция аркылуу сүйлөшүштү. Анда тышкы иштер министри Руслан Казакбаев менен Ооганстандын тышкы иштер министри Мохаммад Ханиф Атмар учурдагы кырдаалды талкуулашты.

Министрликтин басма сөз кызматынан кабарлашкандай, Руслан Казакбаев Ооганстан өкмөтү жүргүзгөн демократиялык реформаларды жана сөз эркиндигин, аялдардын жана улуттук азчылыктардын укуктарын коргоодогу ийгиликтерди, ошондой эле алардын өлкөсүндө тынчтыкты тез арада орнотуу үчүн көрүлүп жаткан иш-аракеттерди колдой тургандыгын билдирди.

"Тараптар соода-экономикалык, энергетикалык жана транспорттук чөйрөлөрдө Кыргыз-Ооган кызматташтыгынын деңгээлин жогорулатуу зарылдыгын белгилешти. Ооганстандагы кыргыздардын абалы боюнча тараптар инфраструктуралык жана социалдык долбоорлорду ишке ашыруу, Чоң жана Кичи Памирдеги этникалык кыргыздардын жашаган жерлерине мектептерди, жолдорду жана ооруканаларды куруу зарыл экенин айтышты. Ошондой эле Кыргыз мамлекетиндеги билим берүү мекемелеринде ооганстандык кыргыз балдарды окутуу жаатында биргелешкен аракеттерди көрүү тууралуу макулдашышты.

Руслан Казакбаев кесиптешине 2021-жылдын 30-мартында Өзбекстанда өтө турган министрлер конференциясына катышууга чакыргандыгы үчүн ыраазычылык билдирди".

Автор: Бактыгүл Момбекова

23:01 18-03-2021

Жазылуу

РУБРИКАДАГЫ СОҢКУ КАБАРЛАР

17:56 2025-06-15 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 4464 0

16:14 2025-06-15 | Түркүн дүйнө

Эрдоган Израилди токтотууга чакырып, Иранга сокку уруунун кесепеттерин эскертти 4232 0

15:52 2025-06-15 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 5478 0

15:07 2025-06-15 | Түркүн дүйнө

Израил АКШдан Ирандын Фордо жер астындагы өзөктүк объектисин жок кылууга жардам берүүнү суранды 3792 0

14:46 2025-06-15 | Коом жана турмуш

Блог: Байыркы тарых менен заманбап доор айкалышкан Египет 2379 0

14:15 2025-06-15 | Кылмыштар, кырсыктар

Чүйдө 6 жаштагы кызды сүзүп кеткен айдоочу кармалды 1644 0

Архив

Комментарийлер (1)

Aky12

2021-03-19 08:37:58

Суйлошуп эле койбой, иш жузуно ашыргыла да, 3-4жыл мурун келгендер,мамлекеттен колдоо жок кетип калышты деп атышат го,Памирлик Турганбай Памри эмдигиче кыргыз жарандыгын ала албай жатам деди

Комментарий калтыруу үчүн өз ысымыңыз менен кириңиз же каттоодон өтүңүз.