Транспорт министрлигинин токтотулган авиакаттамдар боюнча түшүндүрмөсү

Кыргыз өлкөсүнүн Транспорт, курулуш, архитектура жана коммуникация министрлигинин пресс-катчысы Кылыч Досумбетов айрым эл аралык каттамдардын токтотулгандыгы боюнча түшүндүрмө берди.

Айтымында, жанданган авиакаттамдар эпидемиологиялык абалдын начарлашынан улам токтотулган.
"Апрель айынан бери жүргүзүлүшү керек болгон каттамдар жокко чыгарылды. Ага себеп эпидемиологиялык абалдын начарлашы", - деди ал.

29-марттан тартып Кыргыз өлкөсүнөн чет мамлекетке бир нече авиакаттамдар токтотулганы буга чейин маалымдалган.

Автор: Гүлшат Ысамамат кызы