Жогорку Кеңештин депутаты Марат Аманкулов мамлекетке 50 миллион сом которду

Жогорку Кеңештин депутаты Марат Аманкулов мамлекетке келтирген 50 миллион сом өлчөмүндөгү зыяндын ордун толтурду. Маалыматты УКМКнын басма сөз кызматынан билдиришти.

Билдирүүдө айтылгандай, мыйзамсыз баюу фактысынын негизинде катталган сотко чейинки өндүрүштүн алкагында депутат Марат Аманкулов 50 миллион сом өлчөмүндөгү зыянды УКМКнын депозиттик эсебине которду. Ал эми зыяндын калган бөлүгүн келтирилген зыяндын көлөмү так аныкталгандан кийин этап-этабы менен төлөйт.

"Марат Аманкулов кызматта турганда мыйзамсыз баюуга, тиешелүү салык төлөмдөрүн төлөбөй коюуга шектелген. Ошондой эле анын жакын туугандары жана аффилирленген адамдары тарабынан кымбат баалуу кыймылдуу жана кыймылсыз мүлктү алышкандыгы, алардын жалпы баасы расмий кирешелеринен иш жүзүндөгү көрсөткүчтөн бир нече эсе ашыкча экендиги аныкталган.

Кылмыш жолу менен алынган кыймылдуу жана кыймылсыз мүлктүн белгилерин жашыруу максатында активдердин кирешелерин расмий тастыкталбаган жакын туугандарына каттаткан. Мүлктү легалдаштыруу максатында банк мекемелеринде кредиттик насыя алуу жолу менен активдерди жакын туугандарына каттаганы аныкталган. Марат Аманкулов 2008-2020-жылдар аралыгында өзүнүн саясий таасиринен жана Бишкек шаардык кеңешиндеги абалынан пайдаланып активдерин кыйла көбөйткөн деп болжолдонууда", - деп айтылат билдирүүдө.

Белгилей кетсек, буга чейин УКМК Жогорку Кеңештин депутаты мыйзамсыз байыганын маалымдаган. Анда депутатка соода жана көңүл ачуу комплекси, Бишкек шаарынын жана Ысык-Көл облусунун аймагында жайгашкан 14 жер тилкеси, 3 кеңсе жана 4 турак жай, 5 батир, "Каприз" борборундагы коттедж, 3 хан сарай, ошондой эле жогорку өкүлдүк класстагы 5 аткаруучу унаа таандык экени айтылат.

Бул активдердин жалпы орточо базар баасы 1 миллиард 500 миллион сомдон ашык болгонун УКМК кабарлаган.

Ал депутаттык мандатын тапшырганы бүгүн, 1-апрелде маалым болду.

Автор: Бактыгүл Момбекова

15:17 01-04-2021

Жазылуу

РУБРИКАДАГЫ СОҢКУ КАБАРЛАР

19:53 2025-05-28 | Коом жана турмуш

Баш калаада таштанды өрттөгөндөргө 1 миллион сомдон ашык айып салынды 27 0

19:34 2025-05-28 | Кылмыштар, кырсыктар

Бишкекте эмерек жасаган цехтен чыккан өрт өчүрүлдү (фото) 100 0

19:24 2025-05-28 | Кылмыштар, кырсыктар

Бишкек–Ош унаа жолунда үрөй учурган жол кырсыгы катталды 666 0

18:53 2025-05-28 | Түркүн дүйнө

Астанада бүтүрүүчүлөр менен бийлеген мектеп директору Европага жолдомо утуп алды (видео) 616 0

18:15 2025-05-28 | Коом жана турмуш

Оштон Алматыга аба каттамы ачылды 237 0

18:00 2025-05-28 | Кылмыштар, кырсыктар

Сокулукта 8 жаштагы баланы унаа сүзүп качкандыгы айтылды (видео) 534 0

Архив

Комментарийлер (9)

zam81

2021-04-01 15:26:53

Торт сотук жерге жетпей жатсак

Aky12

2021-04-01 15:44:52

zam81,ооба десениз, ушундай жегичтер жер устундо кандай басып жургонуно тан калам,абийир деген жок экен да,мындайларга Кудай деле жок деп кетем,эхх Аллахым озун кечир мени

portugalia

2021-04-01 15:44:08

Жеп,тоюп,жарылып олбодунор.Кыргызстанды ушундай акыбалга такагандар ушуга окшогон кыргыздын душмандары да.

nazarnew

2021-04-01 15:56:16

Мен башчы болгондо ушундайларды оптом аттырып салмакмын, байлыктарын тартып алып, бийликтеги чимкириктерди кошуп оптом жарып салмакмын.

Kuban-1207

2021-04-01 15:59:18

Аттырыш керек болчу 10 чакты жегичтерди сразу атса анан жегенден коркрмок бул акмактар

Kuban-1207

2021-04-01 16:00:00

Депутат бийлик бул жегичтерге айланды

nura74

2021-04-01 16:05:28

Корундо окурсун булар,кудай бар буларга.Канча адамдар кыйналып жашашат,булар ар бир уй булоо мучоосуно бир канчадан мулк...пай пай.Элдин кусуру урат.Мындайлардын напси кайда билбейсин .

Roma1987

2021-04-01 16:16:08

Ошондо булар кандай болуп калат. Мамлекетке мынча зыян алып келди десе ошону толоп кутулуп кетишеби. Бийлике отургандан бери жеп ичкеничи ,тапкан пайдасычы, ошончо жылдан бери ушулардын айынан кор болгон элчи. Болбойт мындай тукум курут кылыш керек. Оздорун атып салып тукуму менен голый боюнча депорт кылыш керек Кыргызстандан

zhunusali

2021-04-01 17:30:29

1,5 миллиард жеп алып ,500 Миллион кусуп койуп кутулуп кете берсе Боло береби?Бул ыкма менен коррупционерлерден эч качан кутула албайбыз!

Комментарий калтыруу үчүн өз ысымыңыз менен кириңиз же каттоодон өтүңүз.