Тышкы иштер министрлигинин кызматкери каза болду. Ал коронавируска каршы эмдөөдөн кийин көз жумганы айтылууда

Тышкы иштер министрлигинин Консулдук кызмат департаментинин директорунун орун басары Бахтияр Шакиров мезгилсиз дүйнөдөн кайтты. Бул тууралуу министрликтин маалымат кызматынан кабарлашты.

"Бахтияр Шакиров Кыргыз Республикасынын дипломатиялык кызмат органдарынын системинде өз эмгек ишмердүүлүгүн ТИМдин Консулдук кызмат департаментинде баштаган, ошондой эле ТИМдин Эл аралык укук департаментинде жана Москва шаарындагы Кыргыз Республикасынын элчилигинде иштеген.

Ал кесиптештеринин эсинде эмгекчил, адамга ар дайым жардам берүүгө даяр жана ак ниет адам катары калат", - деп жазылат маалыматта.

Мекеменин тараткан билдирүүсүндө, маркумду өлүмгө жеткирген себеп айтылган эмес.

Ал эми Саламаттыкты сактоо министрлигинин мурдагы маалымат катчысы Елена Баялинова социалдык тармактагы баракчасына Шакиров коронавируска каршы эмдөө алгандан кийин каза болгонун, анын өлүмүн Саламаттыкты сактоо министрилиги кылдат изилдөөсү керек экенин жазып чыкты.

"39 жаштагы маркумдун жакындары 2-апрелде эртең менен менин телефонума чалып, ал бир күн мурун COVID-19га каршы эмдөөдөн өтүп, биринчилерден болуп SinoPfarm вакцинасын алганын айтышты.

Менин оюмча, Саламаттыкты сактоо министрлиги буга объективдүү кызматтык иликтөө жүргүзүп, анын жыйынтыктары жөнүндө отчёт берсин. Ал эми өлкөнүн дарыгерлери бул фактыны эске алып, эмдөөдөн өтө турган жарандарды кылдат текшерүүдөн өткөрүшү зарыл", - деп жазды.

Ал эми бул маалымат боюнча Саламаттыкты сактоо министрлигине байланышканыбызда, мекеме маалымат берүүдөн баш тартып, министр Алымкадыр Бейшеналиев жыйында экенин айтып тим болду.

SUPER.KG порталынын эмгек жамааты маркумдун жакындарынын аза кайгысын тең бөлүшүп, терең кайгыруу менен көңүл айтат.

Тышкы иштер министрлигинин кызматкери каза болду

Автор: Гүлшат Ысамамат кызы

10:09 02-04-2021

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (5)

zam81

2021-04-02 10:17:28

Эми эчким албайт кытайдыкын

ruslanz

2021-04-02 10:24:14

Андан олгон жок деп чыгышат, антиреклама болбосун деп.

Jacob.

2021-04-02 10:28:17

Кытай озу колдонбогон вакцианы биздикилер суйунуп алып жатышат...
Кытайдан жакшылык кутпогулочу, алардын бизнеси журушуп жатат.
Былтыры сепкен эгиндин тушумун быйыл алып жатышат...

Kuban-1207

2021-04-02 11:00:13

Эмдөөдөн отпогуло кырат бул вакцина

amirrus

2021-04-02 15:14:04

Эми баары баш тартат,

Комментарий калтыруу үчүн өз ысымыңыз менен кириңиз же каттоодон өтүңүз.