"Апамдын көзү тирүүсүндө алсам жакшы болмок". Токтобүбү Черикчиева Кыргыз Республикасынын Эмгек сиңирген артисти наамын алды

Ырчы Токтобүбү Черикчиева Кыргыз Республикасынын Эмгек сиңирген артисти наамын алды. Сыйлык бүгүн, 2-апрелде президент Садыр Жапаров тарабынан тапшырылды.

Ырчыны наамы менен куттуктап байланышканыбызда сыйлыкты апасына арнай турганын айтат.

"Бүгүн наам алып жатканыма абдан кубанып жатам. Сыйлыкты апама арнайм, азыр аны эстеп, көзүмө жаш алып турам. Анткени апам мени музыкалык мектепке алып барып, кийин балдарымды багып, керек болсо мени кошо багып жүрдү. Кыргыз Республикасынын Эмгек сиңирген артисти наамын апамдын көзү тирүүсүндө алсам жакшы болмок. Наам алгандан кийин жакындарым менен майлап отурабыз", - деди ал.

Буга чейин ырчынын 50 жылдык юбилей концертинде Кыргыз Республикасынын Эмгек сиңирген артисти наамын ыйгарууну пландалганын министрликтин өкүлдөрү айтышкан. Бирок концертте наам тапшырылбай, муну түзүлгөн комиссия сыйлык ала тургандардын саны көп экен деп кыскартып койгондугу менен түшүндүргөн.

Токтобүбү Черикчиева "Жалгыздыктан жадап бүттүм", "Колукту", "Сүйүүңдү сүртүп кеттиң", "Сүйгөн жар", "Жолугарым билгенмин" жана башка ырларды жеткиликтүү аткарып, көпчүлүктүн сүймөнчүлүгүнө айланган.

16:31 02-04-2021

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

21:31 2024-05-16 | Саясат

"Наристе жасалма дем алдыруучу апаратта". Депутат абакта эне 6 айлык наристеси менен отурганын айтты (видео) 118 0

21:01 2024-05-16 | Кылмыштар, кырсыктар

Бишкекте курулуш имаратынан 700 миң сомдук жез уурдалган. Милиция шектүүлөрдү кармалды 213 0

20:21 2024-05-16 | Коом жана турмуш

Кеминде күйдүргүгө шектелген жарандын ооруканага түшүшү: Союлган мал эмдөөдөн өткөн 293 0

19:43 2024-05-16 | Түркүн дүйнө

Куандык Бишимбаевдин жактоочусу өкүм боюнча алгачкы жолу үн катты 815 0

19:18 2024-05-16 | Саясат

Шакиев Австриянын Улуттук Кеңешинин төрагасы менен жолугушту 188 0

19:03 2024-05-16 | Саясат

Чет мамлекеттердеги абактарда канча кыргыз жараны отурат? Юстиция министрлигинин жообу 534 0

Архив

Комментарийлер (1)

mira28

2021-04-02 21:41:48

Тууууй бул эмне деген мамлекет болду.Токтобубу Черикчиева мен мектепке бара электе жылдызы жанып жаш карынын баары угуп суйгон теленин жузу,радионун шынгыр уну болгон.Анан менден 4 5 жаш кичине Самаш кантип кайсыл мезгилде эмгегин синире койду.Министирликтен жооп кутом Токтобубу Черикчиевадан Самара Каримованын артыкчылыктарын санап беришсин.Мени кызыктырат ушул суроо:эки ырчынын билими,аткарган ырлары,моралдык баскан турганы элге улгу болуп же таманы тешиле бир жерде узак иштегени ж.б.у.с.

Комментарий калтыруу үчүн өз ысымыңыз менен кириңиз же каттоодон өтүңүз.