Канатбек Маматов ФИФАнын президенти Жанни Инфантино менен Кыргыз өлкөсүндө футболду өнүктүрүү маселесин талкуулады

8-апрелде Бахрейндин борбору Манама шаарында Кыргыз футболдук союзунун президенти Канатбек Маматов ФИФАнын президенти Жанни Инфантино менен жолугушту.

Маалыматка ылайык, жолугушуунун жүрүшүндө тараптар футболду өнүктүрүү жана Кыргыз мамлекетиндеги инфраструктураны жакшыртуу маселелерин талкуулашты. Тактап айтканда, эгер өкмөт футболдук союзуна жер бөлүп берсе, Бишкекте футболдук борбор куруу маселесин баса белгилешти. ФИФА бул долбоорду ассоциацияларды колдоо программасынын алкагында каржылоону караштырууга даяр экендигин билдирди. ФИФАнын президенти футболдук инфраструктураны куруу үчүн Кыргыз мамлекетинин инвесторлорго ачыктыгынын деңгээли, ошондой эле инвесторлорго бериле турган шарттар жана жеңилдиктер жөнүндө сурады.

Канат Маматов быйыл Инфантинону Кыргыз өлкөсүнө келип кетүүгө чакырып, быйыл кыргыз футболу өзүнүн жүз жылдыгын белгилеп жаткандыгын белгиледи. Жанни Инфантино, эгер COVID-19га байланыштуу кырдаал татаалдашпаса, ушул жылдын сентябрь айында биздин өлкөгө келүүгө ниеттенүүдө.

Ошондой эле тараптар COVID-19 менен кырдаалды турукташтырууга байланыштуу кыргыз футболунун 100 жылдыгына карата футболдук легендалардын катышуусунда футболдук беттеш өткөрүүнү макулдашышты. Бул биздин өлкөдөгү футболдун жана бардык оюн күйөрмандарынын жаркын жана маанилүү окуясы болмок.

09:24 09-04-2021

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

21:54 2024-05-08 | Коом жана турмуш

Ош шаарындагы Улуу Ата Мекендик согуштун жана оруктун ардагерлери сыйланды 500 0

21:27 2024-05-08 | Саясат

Садыр Жапаров Жогорку Евразиялык экономикалык кеңештин мааракелик жыйынына катышууда 510 0

21:00 2024-05-08 | Кылмыштар, кырсыктар

Аламүдүн капчыгайында 3 турист изделүүдө 603 0

20:20 2024-05-08 | Саясат

Кыргызстан менен Тажикстандын Чек ара кызматтары биргелешкен билдирүү жасады 1511 0

20:06 2024-05-08 | Коом жана турмуш

Ысык-Көлдө пансионаттардын пирстеринин абалы текшерилүүдө 588 0

19:44 2024-05-08 | Бизнес-Инфо

"Бакай Банктын" алдындагы Ислам каржы борбору кичи ажылыкка сертификат ыйгарды 312 0

Архив

Комментарийлер (1)

mr.ulan89

2021-04-09 12:49:26

Өкмөт канчадан бери футболго жер бөлүп бере албай койду го бекер салып беребиз деп атса да башка жагыбыздан болбосо да кыргыз футболунун келечеги бар .

Комментарий калтыруу үчүн өз ысымыңыз менен кириңиз же каттоодон өтүңүз.