Бишкекте 20 жаштагы кызды жөө адамдар өтүүчү өтмөктөн сүзүп, качып кеткен айдоочу кармалды

Бишкекте жөө адамды сүзүп качып кеткен айдоочу кармалды. Бул тууралуу милициянын кайгуул кызматынан билдиришти.

Маалыматка ылайык, 11-апрель күнү болжол менен саат 21:30 чамасында Бишкек ШИИББинин 102 кызматына Чортеков көчөсүнөн жөө адамды сүзүп кетти деген маалымат келип түшкөн.

Айтылган дарекке ошол замат милициянын кайгуул кызматкерлери келип, маалыматты тактаганда 2001-жылы туулган Н.Б. аттуу кызды белгисиз айдоочу белгисиз унаа менен жөө адамдар өтүүчү өтмөктөн сүзүп, окуя болгон жерден качып кеткен.

Ыкчам кармоо иш-чараларынын негизинде Toyota RAV4 үлгүсүндөгү унаанын 1963-жылы туулган айдоочусун кармап, Бишкек ШИИББинин тергөө кызматына өткөрүп беришкен.

Автор: Айсалкын Качкынбекова