"Жарым финалга кимиси чыгат?". Бүгүн түндө Чемпиондор Лигасынын жооптук беттештери орун алат (тизме)

Бүгүн, 13-апрелден 14-апрелге караган түнү Европадагы ири мелдештердин бири болгон Чемпиондор Лигасынын 1/4 финалынын жооптук оюндары өтөт. Бүгүнкү оюнда 1/4 финалга чыккан 4 команда кез келет.

Оюндардын тизмеси: "ПСЖ" (Франция) - "Бавария" (Германия);

"Парк дэ Пранс" стадиону (Париж шаары, Франция);

Башкы калыс: Даниэле Орсато (Италия).

Бул эки команданын алгачкы беттеши 8-апрелде Мюнхен шаарында өтүп, 2:3 эсебинде "ПСЖ" командасынын жеңиши менен аяктаган.

"Челси" (Англия) - "Порту" (Португалия);

"Рамон Санчес Писхуан" стадиону (Севилья шаары, Испания).

Башкы калыс: Клема́н Тюрпен (Франция).

Бул эки команданын алгачкы беттеши дагы 8-апрелде Порту шаарында өтүп, 0:2 эсебинде "Челси" командасынын жеңиши менен аяктаган.

Оюндар Бишкек убактысы боюнча саат 01:00дө башталат.

Автор: Азат Бейшенбеков