Караколдо окуучулар арасында массалык мушташ: Урушту уюштурууга шектелип эки өспүрүм кармалды

Каракол шаарында өспүрүмдөрдүн урушунан улам бир өспүрүм денесинен жаракат алып, ооруканага түшкөн. Уруштун уюштуруучулары аныкталып камакка алынды. Бул тууралуу Каракол ШИИБинен билдиришти.

Билдирүүгө ылайык, 9-апрелден 10-апрелге караган түнү саат 00:05 чамасында Ысык-Көл облустук бириккен ооруканасынан Каракол шаарынын 2004-жылы туулган тургуну денесинен алган жаракаты менен түшкөндүгү боюнча билдирүү келген.

Тергөө-ыкчам тобу тарабынан күбөлөр суралып, 9-апрелде жабырлануучу достору (5 бала) менен Кашка-Суу кичи районунун жанындагы футбол аянтчасында ойношкон. Бул учурда аларга Макеш аттуу бала тааныштары менен барып, жабырлануучуну чакырган. Жабырлануучу аларга жакындаганда балдардын бири аны башка таш менен уруп, окуя болгон жерден качып кеткен. Жабырлануучунун достору аны облустук оорукананын сыныктар бөлүмүнө жеткиришкен.

Бул факты Каракол шаардык ички иштер бөлүмү тарабынан Кылмыштардын жана жоруктардын бирдиктүү реестрине Жазык кодексинин 266-беренеси (Ээнбаштык) менен катталып, сотко чейинки өндүрүш иши башталган. Ошондой эле жабырлануучуга алган жаракаттардын оордугун аныктоо үчүн соттук-медициналык экспертиза дайындалган.

Тергөө амалдарынын жүрүшүндө шаардык милицияга 8 өспүрүм, өздөрүнүн мыйзамдуу өкүлдөрү менен чакырылып, окуянын жагдайларын аныктоо боюнча сурак жүргүзүлгөн. Тергөөнүн жүрүшүндө өспүрүмдөр арасындагы уруштун уюштуруучулары аныкталды. Алар Ак-Суу районунун Таш-Кыя айылынын тургундары 16 жаштагы жана 15 жаштагы өспүрүмдөр болуп чыгышты.

Аталган өспүрүмдөргө карата мыйзамдуу өкүлдөрүнүн катышуусунда Жазык процессуалдык кодексинин 233-235 (Шектенүү жөнүндө кабарлама, Шектенүү жөнүндө кабарлоонун мазмуну, шектенүү жөнүндө кабарламаны тапшыруу тартиби) беренелеринин негизинде кылмышка шектүү жөнүндө маалымат берилип, ошол эле кодекстин 98-беренесинин (Кармоонун негиздери) негизинде Каракол ШИИБинин убактылуу кармоочу жайына 24 саатка киргизилди.

Аталган факты боюнча сотко чейинки өндүрүш иши башталып, тергөө иштери жүргүзүлүп жатат.

Автор: Айжанар Рыспек кызы

22:02 13-04-2021

Жазылуу

РУБРИКАДАГЫ СОҢКУ КАБАРЛАР

07:49 2025-05-26 | Коом жана турмуш

"Крокустагы" терактта эрдик көрсөткөн кыргызстандык Ислам Орусияда дагы бир сыйлык алды (видео) 74 0

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 2382 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1409 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1526 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 673 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1146 0

Архив

Комментарийлер (1)

Jaraisyn

2021-04-13 22:31:52

Бул мушташка да эми мектеп жамаатын күнөөлөп чыккыла. Кийинчерээк дарак куласа даимектеп жооп берет окшойт. Туура азыр иликтенип атат, бирок кийинчерээк мектепте тарбия иштери уюштурулбайт деп да чыгышыңарга кепилдик жок. Өспүрүм балдар кыздарды мугалимдер төрөп койгонбу деп да ойлоп кетесиң. Себеби мугалими да жооп бербей койбойт. Байкуш мугалим

Комментарий калтыруу үчүн өз ысымыңыз менен кириңиз же каттоодон өтүңүз.