Адамдар жок талаада күч колдонобуз деп коркутушкан. Ошто аял уурдоого шектүү жарандар кармалды

Ош шаарында адам уурдоого шектүү жарандар кармалды. Бул тууралуу ИИМдин маалымат кызматынан билдиришти.

Маалыматка ылайык, 11-апрель күнү ички иштер органдарына адам уурдоо жөнүндө арыз түшкөн. Анда 10-апрель күнү болжол менен 22:00дө Ош шаарынын Масалиев көчөсүндө чала тааныш адам аял кишини чакырып, ага күч колдонуп унаага салып кетишкени жазылган.

Бул факты Кылмыштардын жана жоруктардын бирдиктүү реестрине 170-берене "адам уурдоо" менен катталып, сотко чейинки өндүрүш иши башталган.

"Унаада отурган белгисиз адамдар аялды Ош-Алай унаа жолу менен алып кетип коркутушканы маалым болгон. Адамдар жок талаада аны күч колдонобуз деп коркутушкан.

Иликтөө иш-чараларын жүргүзүү учурунда, болжол менен саат 20:00дө Ош шаарынын көчөлөрүнүн биринде шектүү катары Алай районунун 1983-жылы туулган тургунунун башкаруусундагы Mitsubishi унаасы токтотулган. Мындан аркы көрүлгөн чаралардын натыйжасында, жогорудагы кылмыш иштерине тиешеси бар дагы Кара-Кулжа районунун 1978-жылы туулган тургуну жана Алай районунун 1982-жылы туулган тургуну кармалган. Бардык кармалган жарандар убактылуу кармоочу жайына киргизилди.

Алдын ала алынган маалыматтар боюнча, жогоруда көрсөтүлгөн жарандар мындай укукка каршы аракеттери менен тиричилик маселелерин чечип алууну көздөшкөн. Жабырлануучу аял чет мамлекетте иштейт жана ишкерлик менен алектенет. Учурда иликтөө уланып жатат", - деп жазылат билдирүүдө.

Автор: Гүлзина Каныбекова
Фото: ИИМдин басма сөз кызматы

13:48 14-04-2021

Жазылуу

РУБРИКАДАГЫ СОҢКУ КАБАРЛАР

07:49 2025-05-26 | Коом жана турмуш

"Крокустагы" терактта эрдик көрсөткөн кыргызстандык Ислам Орусияда дагы бир сыйлык алды (видео) 74 0

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 2382 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1409 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1526 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 673 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1146 0

Архив

Комментарийлер (5)

munarbek.92

2021-04-14 13:57:51

Бааодыгы доолорго го 2метр 181см 180см

Luna7

2021-04-14 14:09:28

Тукум баштап күчүңөр аялга жеттиби, милиция байкелер чындап иштеп башташканго

zhazgul98

2021-04-14 14:16:28

Кылмышкердин өзүнө караганда, кылмыштуулукка алып келген шарттар менен жигердүү күрөшүү керек. Билимсиздик, сабатсыздык кылмыштын башаты. Коомдо мыйзамдын иштебесе, кылмыштуулук эркин өнүгөт.

Kalmurzaev8900

2021-04-14 14:29:45

Эмне болуп баратабыз Кыз урдо аял урдо болуп

Elaman0693

2021-04-14 14:53:34

Мурда мындай окуялар милиция тарабынан жабылып турчу, эми ачык, адилеттуу иштеп баштады! Баары айкын айтылып!

Комментарий калтыруу үчүн өз ысымыңыз менен кириңиз же каттоодон өтүңүз.