Бишкекте 3 айдын ичинде 614 жол кырсыгы катталып, 14 жаран каза болду

Бишкек шаарында 3 айдын ичинде 785 кылмыштар жана жоруктар аныкталды. Бул тууралуу милициянын кайгуул кызматынын маалымат кызматынан билдиришти.

Маалыматка караганда, милициянын кайгуул кызматында 1-чейректи жыйынтыктоо боюнча кеңешме болуп өттү. Ага аталган башкармалыктын башчысы Алмазбек Исаков жана полктун командири Канат Жумаев жана башка бөлүм башчылары, рота командирлери катышты.

Кеңешмеде кайгуул кызматкерлери тарабынан 3 айдын ичинде 785 кылмыштар жана жоруктар аныкталып, райондук милиция бөлүмүнө жеткирилгени белгилүү болду.

Алардын ичинен:

1) Адам өлтүрүү - 3;

2) Каракчылык - 4;

3) Тоноо - 22;

4) Уурдоо - 56;

5) Бейбаштык - 329;

6) Зордуктоо -19;

7) Денеге залал келтирүү - 19;

8) Алдамчылык - 19;

9) Баңгизат - 1;

10) Үй-бүлөлүк зомбулук - 249;

11) Башка кылмыш жана жоруктар - 51.

"Ал эми катталган жол кырсыктары боюнча Бишкек шаарынын аймагында 3 айдын ичинде 614 жол кырсыгы катталып, 780 жаран жабыркап, 14 жаран каза болгон. Жалпысынан жол кырсыгынан өткөн жылдын 3 айына салыштырмалуу жаракат алгандардын саны 3 адамга, ал эми каза болгондордун саны 11 жаранга азайгандыгы байкалган", - деп жазылат билдирүүдө.

Автор: Гүлзина Каныбекова