Пригородное айыл өкмөтүнүн имаратына кирип "өзүбүздү өрттөйбүз" деген аялдарга карата кылмыш иши козголду

Айыл өкмөттүн имаратын басып алуу фактысы боюнча сотко чейинки өндүрүш иштери жүрүп жатат. Бул тууралуу SUPER.KG порталына Чүй ОИИББинин маалымат кызматынан билдиришти.

Маалыматка ылайык, 15-апрель күнү болжол менен саат 06:48 чамасында Чүй облустук милицияга Пригородное айыл өкмөтүндө бир нече жаран нааразычылык акциясын өткөрүп жатат деген маалымат келип түшкөн.

"Такталгандай, ошол эле күнү болжол менен саат 06:00 чамасында аталган аймактын айыл өкмөтүнүн имаратына 9-10 аял келип өздөрүн өрттөйбүз деп коркутуп, мекеменин ичинен бекитип алышкан. Алардын негизги талабы өздөрү алган насыя маселесин чечүү болгон.

Бул факты Кылмыштардын жана жоруктардын бирдиктүү реестрине 208-берене "имараттарды жана курулуштарды өзү билип басып алуу" менен катталып, сотко чейинки өндүрүшкө алынган.

Милиция кызматкерлери тарабынан көрүлгөн чаралардын жүрүшүндө аталган имараттын айланасы жарандардын коопсуздугу үчүн курчоого алынган. Саат 15:00 чамасында түшүндүрүү иштери жүргүзүлгөндөн кийин аялдар аталган имаратты бошотушту. Учурда сотко чейинки өндүрүштүн материалдарынын негизинде бардык зарыл болгон тергөө оперативдик иш-чаралар жүргүзүлүүдө. Сотко чейинки процесстер уланууда", - деп жазылат билдирүүдө.

Эске салсак, кечээ, 15-апрелде бир нече аял насыяларды жокко чыгарууну, деги эле Кыргыз өлкөсүндө насыяны жоюуну талап кылып нааразы болуп чыгышкан. Анда насыянын айынан үйлөрүнөн ажырап калуу кооптуулугуна кабылган 10дой аял айыл өкмөтүнүн имаратына кирип алып, бензин толтурулган бөтөлкөлөрү менен өздөрүн өрттөй турганын айтышкан болчу.

Окуя болгон жерге жергиликтүү бийлик өкүлдөрү, өкмөттүн Чүй облусундагы өкүлү жана вице-премьер Улукбек Кармышаков келген. Андан соң, имараттын ичиндеги аялдардын эки-үчөө вице-премьер менен Бишкекке чыгып, премьер-министр менен жолугушканы маалым болгон.

Автор: Гүлзина Каныбекова
Фото: Гүлзина Каныбекова

16:16 16-04-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 2159 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1302 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1413 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 617 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1059 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 714 0

Архив

Комментарийлер (1)

aikaademi

2021-04-16 21:23:32

Кредит алып атканда жалдырап жүрүп, документтердин көптүгүнө карабай алышса керек эле. Как будто кредит алып мамлекетке бергендей болбой, жегенден кийин кусуш керек да

Комментарий калтыруу үчүн өз ысымыңыз менен кириңиз же каттоодон өтүңүз.