Бишкекте түнкү клубдардын биринде эс алуучуну сабап кеткенге шектүүлөр убактылуу кармоочу жайга киргизилди

Бишкекте бейбаштык кылганга шектелип эки жаран кармалды. Алар борбор калаадагы түнкү клубдардын биринде эс алып жүргөн адамды сабаганга шектелүүдө.

Октябрь РИИБинин басма сөз кызматынын маалыматына ылайык, 3-апрелде шаар тургунунан арыз түшкөн. Анда түнкү клубдун дааратканасында арыздануучуну эки жаран сабап кеткени айтылган. Бул факты Кылмыштардын жана жоруктардын бирдиктүү реестрине 226-берене (бейбаштык) менен катталып, сотко чейинки өндүрүшкө алынган.

"Териштирүү иштеринин жүрүшүндө шектүү катары 30 жана 31 жаштагы эки жаран кармалып, убактылуу кармоочу жайга киргизилди", - дешти мекемеден.

Автор: Бактыгүл Момбекова