Ошто электр чубалгыларын туура эмес пайдалануудан улам мектептин имаратынан өрт чыкты

Ош шаарында мектептин биринчи кабатынан өрт чыгып, бактыга жараша жабыркагандар катталган жок. ӨКМнын маалымат кызматынан кабарлашкандай, өрт бүгүн, 19-апрелде саат 11:40 чамасында чыккан.

Белгилүү болгондой, Ош шаарындагы Керме-Тоо орто мектебинин биринчи кабатындагы Ош шаардык мэриясына караштуу көп тармактуу үй-бүлөгө жана балдарга жардам берүү борборунун социалдык бөлмөсүнөн өрт чыккан. Өрт чыккан жерге бир бөлүм тартылып, өрт саат 12:01де толугу менен өчүрүлдү.

"Өрт электр чубалгыларын туура эмес пайдалануудан улам келип чыккан. Жабыркагандар жана каза болгондор катталган жок", - дешти мекемеден.

Автор: Бактыгүл Момбекова