UFC 261: Валентина Шевченко көз караш дуэлине кантип жана ким менен келди? (видео)

Бүгүн, 23-апрелге караган түнү АКШнын Жексонвилл шаарында UFC 261 турнирине катыша турган мушкерлердин көз караш дуэли болуп өттү.

Турнирде чемпиондук наамын бешинчи ирет коргой турган Валентина Шевченко атаандашы бразилиялык мушкер Жессика Андраде менен болгон көз караш дуэлине машыктыруучусу Павел Федотов жана бир тууганы, дагы бир UFC мушкери Антонина Шевченко менен келди.

2020-жылдын 22-ноябрында АКШнын Лас-Вегас шаарында өткөн "UFC 255" турниринде Валентина Шевченко бразилиялык Женнифер Майяны утуп, чемпиондук курун төртүнчү ирет коргоп калган. Ал эми Жессика Андраде октябрь айында америкалык мушкер Кэтлин Чукагяндын үстүнөн техникалык нокаут менен жеңишке жеткен.