Чүйдө күйөөсү кызганычтан улам аялын сабап, тирүүлөй аңга көмүп салган

Кечээ, 22-апрель күнү Чүй облусунун Панфилов районунда күйөөсү аялын тирүүлөй көмүп салган. Бул тууралуу жергиликтүү тургундар билдиришти.

Маалыматка ылайык, саат 18:00 чамасында Панфилов районуна караштуу Кумарык айылынын тургуну аялын сабап, тирүүлөй аңга көмүп салган.

"Чоңоюп калган баласы көрүп калып кошуналарына айтып, тегеректеги эл чогулуп жерди кайра казып, аялды тирүү алып чыгышкан. Бул боюнча жергиликтүү тургундар милицияга билдиришкен. Милиция окуя болгон жерге келип, зөөкүрдү кармап кеткен. Бирок эки сааттан кийин кайра коё берген. Эми аялын өлтүрөм деп кууп жүрөт дешүүдө", - деп билдиришти алар.

Буга байланыштуу Чүй ОИИББине байланышканыбызда төмөнкүлөрдү билдиришти.

"22-апрель күнү Панфилов РИИБине 24 жаштагы жергиликтүү тургун кошунасы аялын көмүп салганын билдирген. Бул факты Кылмыштардын жана жоруктардын бирдиктүү реестрине катталып, сотко чейинки өндүрүш иши башталган.

Алдын ала маалыматтар боюнча, 35 жаштагы күйөөсү мас абалында үйүнө келип, 33 жаштагы аялын кызганычтан улам сабап, андан кийин үйдүн артына алып барып аңга түртүп, белине чейин көмүп салган. Бул окуяны көргөн кошуналары жардам берип, аялды бошотушкан.

Сурак учурунда күйөөсү кылган ишин моюнга алып, кызганычтын айынан аялын ушундай жол менен коркуткусу келгенин айткан. Бардык зарыл болгон экспертизалар дайындалып, тергөө иштери уланып жатат", - деп билдиришти облустук милициянын маалымат кызматынан.

Автор: Гүлзина Каныбекова

17:01 23-04-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 1987 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1236 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1340 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 571 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1008 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 674 0

Архив

Комментарийлер (3)

Zumrudianka

2021-04-23 17:21:08

Кыргызстандын туштук тундуктун эркектери колуна жумшак нерсени алып мыкчысан манжандын салааларынан агып чыккандай, аялды да канчалык кысып катуу кармап тарбиялай албайсын колундагы жумшак нерсе качкандай аялда сенден жийиркене качат

Jibakana

2021-04-23 17:55:20

Тируу калдым тиши сволочьту кой беришти 2саатан кийин,Эми не аялын олтуруп койгондон кийин камашабы?

+12

Geroina

2021-04-23 19:28:41

Ужас. Олгондо анан соттойсунарбы,статья туратго олтуройун деди,болбой калды. Неге бошоттунар?

+11

Комментарий калтыруу үчүн өз ысымыңыз менен кириңиз же каттоодон өтүңүз.