Нарында 15тен ашуун кудуктун капкактарын жана 10го чукул мүрзөнүн тосмолорун уурдаган жарандар кармалды

Нарын облусунун аймагындагы 15тен ашуун кудуктун капкактарын жана 10го чукул мүрзөнүн тосмолорун уурдаган жарандар кармалды. Бул тууралуу облустук милициядан билдиришти.

20-апрелден 21-апрелге караган түнү Нарын Суу канал ишканасына тийиштүү Нарын шаарынын ар кайсы аймагында орун алган суу түтүкчөсүнүн кудукчасынын 4 даана капкагын белгисиз адамдар тарабынан уурдалды деген кабар Нарын ШИИБине кабарланып, сотко чейинки өндүрүш иши ачылган.

Ыкчам иликтөө иштеринин жүрүшүндө кылмышка шектүү Нарын районунун тургундары 1989-жылы туулган К.А. менен 1988-жылы туулган М.Ж. кармалып, кылган иштерин моюнга алышкан. Мындан сырткары Нарын облусунун аймагында жайгашкан мүрзөлөрдүн чынжырларын жана тосмолорун жашыруун түрдө уурдап кетишкен.

Ошондой эле март айында Нарын шаарынын аймагында жайгашкан 5 даана таза суу түтүкчөлөрү өткөн кудуктардын капкактарын жашыруун уурдаган Нарын шаарынын тургуну 1994-жылы туулган С.Б. менен Ат-Башы районунун 1992-жылы туулган тургуну Б.Б. кармалган.

Жогорудагы жарандар жалпы 15 кудуктун капкактарын жана 10го жакын мүрзөнүн тосмолорун уурдаган шектүүлөргө карата кылмыш иши козголуп, тергөө иштери жүргүзүлүүдө.

Автор: Айсалкын Качкынбекова