Милиция: "Доскага чыгарып окуучуларды урган мугалимдин аракети боюнча иликтөө жүрүп жатат"

Ош облусунун Өзгөн районуна караштуу Куршаб айылында "балдарды уруп жатат" деген аталышта социалдык тармактарга тараган мугалимдин видеосу боюнча иликтөө иштери жүрүп жатат. Бул тууралуу Ош ОИИБинин басма сөз кызматынан билдиришти.

Маалыматка ылайык, 26-апрель күнү Өзгөн районунун Куршаб айылында жайгашкан Ленин атындагы №5 орто мектебинин класстык бөлмөсүндө, англис тил мугалими, 9-в классынын 60 жаштагы класс жетекчиси 9-класста окуган 5 окуучуну ишембиликке чыкпаганы үчүн уруп сабаган.

Аталган окуя Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

"Текшерүүнүн жүрүшүндө аталган мугалим өз көрсөтмөсүндө төмөндөгүлөрдү билдирген: мен аталган класска 5-классынан баштап класс жетекчи болуп иштеп келем. Ал класстын мектептин эшигинин алдында өздөрүнө бөлүнгөн жер тилкеси бар. Ал жер тилкеде 23-апрель күнү сабак бүткөндөн кийин тазалап, ишембилик кылыш керек болчу, бирок сабактан кийин алар үйлөрүнөн иш кылганга эч кандай буюмдарын алып келбей, иш кылбай кетип калган болчу.

Анан 24-апрель күнү ал жер тилкени өзүм тазаладым. 26-апрель күнү ошол жердеги гүлдөргө суу куялы деп окуучуларыма чакага суу алып келип бергиле десем, айтканды кылбай качып кетип калышты. Мен жиним келип аларды доскага чыгарып тизип, айтканды кылбай койгону үчүн беш баланын ар биринин баштарына бирден колум менен урдум. Калгандары качып кетип калышты", - деп билдирген ал өз көрсөтмөсүндө.

Бул окуя боюнча өспүрүмдөрдүн ата-энелери арыз жазуудан баш тартышкан. Учурда мугалимдин бул аракетине баа берүү максатында райондук билим берүү тармагынын жетекчилиги тарабынан кызматтык иликтөө жүрүп жатат. Топтолгон материалдын негизинде андан ары чара көрүлөт деп жазылат маалыматта.

Автор: Гүлзина Каныбекова

13:16 30-04-2021

Жазылуу

РУБРИКАДАГЫ СОҢКУ КАБАРЛАР

07:49 2025-05-26 | Коом жана турмуш

"Крокустагы" терактта эрдик көрсөткөн кыргызстандык Ислам Орусияда дагы бир сыйлык алды (видео) 74 0

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 2382 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1409 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1526 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 673 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1146 0

Архив

Комментарийлер (10)

Rachki

2021-04-30 13:19:55

Мугалим байкушта куноо жок, бир шапалакка башы кыйшайып калмак беле...

+11

jazmina909090

2021-04-30 13:23:48

9класста перех возраст тентек балдар кулактары укпайт өзүлөрүнөн касяк кетиптир да ырас кылат эжейинерге жардам бериштин ордуна качканыңар туура эмес.Заслужили

JaneEr

2021-04-30 13:34:08

Эркек балдардын кылганы бул,подстава! окубай эле коюшсун жакпаса.

Adi010891

2021-04-30 13:36:26

Мугалимдин бир урганынан бир жери сынып калбайт. Мугалимди коюп чек араны коргосонор боло

Sagyn.91

2021-04-30 13:57:53

Бир шапалака КР боюнча маалымат таратып уят да. Биз шапалак жеп , комурканага камалып эле буттук го. Бирообуз ата-энесине арызданып барбаптыр. Ээми эле 2010 дон кийин эжекенин колу тийди ,боооолду больницага барып жатып алышат.

zhazgul98

2021-04-30 14:00:00

Мугалимдер оздору аран журушот, айлыгы аз. Азыркы жаштардын кыялы бир шумдук. Мугалим деле келесо эмес, ар кимди чаап журо бергендей. Билимди мугалим берет. Бирок ошону баалашпайт.

Sagyn.91

2021-04-30 14:00:05

Качканынар учун окуносунорго. Ошол 11 жыл окуган мектепти 1 коруп чыгууга, Бир саат отуруп сабак окуганга Зар болосунар.
Мен 10 жылдан кийин биринчи жолу кечее жакында кирдим. Ар Бир класттын бурчу коз алдыман отмушум эскерилип турду.

Mister-XXX

2021-04-30 15:00:09

Куршабтагы Ленин мектебинде жалаң энесинин койнунан чыкпаган балдар окуйт экен да.Эгер жигитмин десенер эжекеден кечирим сурагыла!60 жаштагы эжеке болсо өзү.

Nina.alex

2021-04-30 17:03:54

Ай алтын эжеке. Ошол балдарды жаака чапкан колунуз дарт корбосун

Jelezo

2021-04-30 19:05:20

Эжеке азаматсыз колуңуз дарт көрбөсүн дагы да шапалак менен тил албаган балдарды ура бериңиз.

Комментарий калтыруу үчүн өз ысымыңыз менен кириңиз же каттоодон өтүңүз.