Кыргыз өлкөсүндө 1-2-май күндөрү улуттук аза күтүү күнү деп жарыяланды

Президент Садыр Жапаров кол койгон Жарлыкка ылайык, 1-2-май күндөрү Кыргыз Республикасында жалпы улуттук аза күтүү күндөрү деп жарыяланды. Бул тууралуу президенттин маалымат кызматынан билдиришти.

Маалыматта айтылгандай, 29-30-апрелде Кыргыз-Тажик чек арасында болгон куралдуу жаңжалдын натыйжасында карапайым адамдар арасында дагы, аскер кызматкерлер арасында дагы көптөгөн курмандыктар жана жаракат алгандар болду. Ошондой эле куралдуу кагылышуу тургундарга жана юридикалык жактарга ири өлчөмдө мүлктүк зыян келтирди.

"Курман болгондорго терең кайгыруу менен алардын жакындарына жана туугандарына көңүл айтуу менен төмөндөгүдөй токтом кылынат:

— 2021-жылдын 1 жана 2-май күндөрү Кыргыз Республикасында улуттук аза күтүү күндөрү деп жарыялансын;

— Бул күндөрү өлкө боюнча, ошондой эле чет өлкөлөрдөгү дипломатиялык жана консулдук мекемелердин имараттарында Кыргыз Республикасынын мамлекеттик туулары түшүрүлсүн;

— Бул күндөрү маданий мекемелерге жана телерадиокомпанияларга көңүл ачуучу программаларды өткөрбөө жана берүүлөрдү бербөө сунушталсын;

— Өкмөттүн жергиликтүү өз алдынча башкаруу органдары курман болгондордун жана жабыркагандардын үй-бүлөлөрүнө жардам көрсөтүү боюнча зарыл чараларды көрсүн", - деп жазылат маалыматта.

Автор: Самира Шарипова

09:46 01-05-2021

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (4)

Nurgazy.kanykei.abuw

2021-05-01 09:56:30

эмне себептен призидентибиз барып кабар албады тушунбой жатам эгер шайлоо болгогдо 3 4 кун ошол жакта журот эле ушундай кыйын кундо элге дем куч кубат колдоп келсе эл кайра суйунуп калат беле

Zhanara82

2021-05-01 10:16:04

Nurgazy.kanykei.abuw,Туура айтасыз.чын эле президенттибиз.эмнеге барбады?

Flowhive

2021-05-01 10:26:30

Өлгөн аскерлерге баатыр деген наам берилсин,беш миллион сомдон компенсация төлөнүшү керек... кыргыз эли уят болдук

Arslan11

2021-05-01 10:44:19

Бир уйдон 1 еркек чыкпабтыр Баткенге барганы Елибизди Коргогону егер митинг болгондо 10 миң 20 миң чыкмак биримдик жок ушул жерден билинди Өлгөндөр саны өкмөт 100 ашык болуш керек

Комментарий калтыруу үчүн өз ысымыңыз менен кириңиз же каттоодон өтүңүз.