Улан Ниязбеков Тажикстандын ички иштер министри менен сүйлөштү

Ички иштер министри Улан Ниязбеков Тажикстан Республикасынын ички иштер министри Рахимзода Рамазон Хамро менен Баткен облусундагы кырдаалды турукташтыруу маселелери боюнча бир нече жолу телефон аркылуу сүйлөшүүлөрдү жүргүздү. Бул тууралуу министрликтин басма сөз кызматынан билдиришти.

Баарлашуунун жүрүшүндө тараптар чек ара аймактарында коомдук тартипти орнотуу, ар кандай укук бузууларды алдын алуу, жарандардын коопсуздугун камсыз кылуу үчүн кыргыз жана тажик милициясынын кайгуул-күзөт кызматын уюштуруу тууралуу пикир алмашышты.

Мындан тышкары Улан Ниязбеков Тажикстандын Ички иштер министрлигинин Согди облусу боюнча башкармалыгынын башчысы Абдулло Навджувонов жана Исфара районунун ички иштер бөлүмдөрүнүн башчылары менен чек ара аймактарындагы кырдаалды жөнгө салуу жана турукташтыруу боюнча сүйлөшүүлөрдү жүргүздү.

Автор: Самира Шарипова