Ысык-Атадагы мечиттердин биринде өрт чыкты

Чүй облусунун Ысык-Ата районундагы Кеңеш айылында жайгашкан мечитте өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, өрттү өчүрүүгө саат 06:59да бир бөлүм, саат 07:15те 2 бөлүм тартылган. Өрт саат 08:35те чектөөгө алынды. Азыркы учурда 3 бөлүм иш алып барууда, өрттөн жабыркагандар жок.

"Өрт кырсыгы электр зымдарынын кыска чаңылуусунан келип чыккандыгы болжолдонууда. Жеринде Ысык-Ата райондук ӨКБнын башчысы Бакыт Молдоисаев башында турган ыкчам топ иш алып барууда.

Кошумча маалымат берилет", - деп жазылат мекеменин маалыматында.

Автор: Самира Шарипова
Фото: ӨКМ