Саламаттыкты сактоо министринин орун басары: "Баткенге 65 тонна гуманитардык жардам жөнөтүлдү"

Баткенге 65 тонна гуманитардык жардам жөнөтүлдү. Бул тууралуу брифингде саламаттыкты сактоо жана социалдык өнүктүрүү министринин биринчи орун басары Ализа Солтонбекова билдирди.

"Өкмөттүн алдында Баткенге жардам деген штаб түзүлгөн. Штаб күнү-түнү иштеп жатат. Баткенге 65 тоннадан ашык гуманитардык жардам жөнөтүлдү. Жүк Өзгөчө кырдаалдар министрлигинин коштоосунда жөнөтүлүп жатат. Гуманитардык жардам көрсөткөндөргө ыраазычылык билдиребиз", - деди ал.

Мындан тышкары ал Бишкек шаарында жана Баткен облусунда жабырлануучуларды кабыл алып жаткан бардык саламаттыкты сактоо уюмдарында дары-дармек, медициналык каражаттар, кан жетиштүү экенин айтты.

Автор: Жылдыз Джускембаева