
Ош шаарындагы элдик штаб Баткен облусуна күн сайын гуманитардык жардам жөнөтүп жатат. Бул тууралуу Ош шаардык мэриясынан кабарлашты.
"Күн сайын тамак-аш, жылуу жууркандар жана гигиена каражаттары жүк ташуучу унаалар менен жеткирилип жатат.
Штаб Султан Ибраимов атындагы Ош улуттук драма театрынын жанындагы жерде 29-апрелден баштап күнү-түнү иштей баштаган.
Штабдын мүчөлөрү кезектешип нөөмөттө турушат, алар жардамдын кайсы түрү болсо да кабыл алышат. Бүгүнкү күндө жалпы суммасы 1 миллион 287 миң сомдон ашык гуманитардык жардам жүктөлгөн 10 жүк ташуучу унаа жөнөтүлдү", - деп айтылат маалыматта.