Чүйдө абакка баңгизат алып өтмөкчү болгон 19 жаштагы жигит кармалды

Чүйдө баңгизатты жаза өтөө мекемесинин бирине өткөрүү аракети аныкталды. Бул тууралуу Жазаларды аткаруу мамлекеттик кызматынан билдиришти.

Маалыматка ылайык, 2-майдан 3-майга караган түнү болжол менен саат 01:00 чамасында Ново-Покровкадагы №3 жатак абагынын башкы тосмосунан өтүүгө аракет кылган жаран кармалган. Кармалган 2002-жылы туулган жаранды тинтүүдө 412 грамм баңгизат табылган.

Бул факты Ысык-Ата РИИБинде Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Мамлекеттик жазаларды аткаруу кызматы тыюу салынган буюмдардын жаза өтөө мекемелеринин аймагына кирүүсүнүн алдын алуу, аныктоо жана бөгөт коюу боюнча иш-чаралар жүргүзүлүп жаканын кошумчалады.

Автор: Гүлзина Каныбекова
Фото: Жазаларды аткаруу мамлекеттик кызматы