Казакстандын президенти Касым-Жомарт Токаев бүгүн 68 жашка толду

Бүгүн, 17-майда коңшу Казакстандын мамлекет башчысы Касым-Жомарт Токаевдин туулган күнү. Ал бүгүн 68 жашка толду. Бул тууралуу казак басылмалары жазышты.

Маалыматка ылайык, Касым-Жомарт Токаев 1953-жылы 17-майда Алма-Ата шаарында туулган.

Ал 2019-жылдын 9-июнунда өткөн кезексиз президенттик шайлоодо 70 пайыздан ашуун добушка ээ болуп, Казакстан Республикасынын президенти болуп шайланган. 12-июндан баштап расмий түрдө мамлекет башчысы катары кызматына киришкен.

Казак ажосу дени сак жашоо образын жактырат. Ал көркөм, саясий жана мемуардык адабияттарды окуганды жакшы көрөт.

Автор: Медина Дүйшеева