"Таласка алып бара жатышкан". Бишкекте 19 жаштагы кызды уурдоого шектүү жарандар кармалды

Бишкекте 19 жаштагы кызды уурдоого шектүү жарандар кармалды. Бул тууралуу Чүй облустук жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка ылайык, кечээ, 20-майда болжол менен саат 22:00 чамасында аталган башкармалыктын кызматкерлерине Бишкек шаарынын Октябрь районунда белгисиз эки жаран 2002-жылы туулган кызды уурдап кеткени тууралуу багыттама берилген.

"Маалымат келип түшөөрү менен жол кыймылынын коопсуздугун камсыздоо башкармалыгынын кызматкерлери ыкчам издөө иштерин баштап, "Перехват" операциясы киргизилген. Натыйжада, Сосновка постунан болжол менен саат 00:30 чамасында Хонда-Одиссей үлгүсүндөгү унааны токтотуп текшергенде, ичинде эки жигит жана уурдалган кыздын жашына туура келген кыз бар экендиги аныкталган.

Текшерүүнүн жыйынтыгында, алар адам уурдоого шектүү балдар экендиги такталган. Алар Талас облусуна бара жатышкан. Кармалган 23 жана 26 жаштагы эки жаран жана 19 жаштагы кыз андан аркы тергөө иштери үчүн Октябрь РИИБине өткөрүп берилди", - деп билдиришти аталган башкармалыктан.

Автор: Гүлзина Каныбекова

10:29 21-05-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 1987 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1236 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1340 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 571 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 1008 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 674 0

Архив

Комментарийлер (3)

Rifle_I

2021-05-21 11:42:31

Гипердиагностика болуп кыз өзү кетип жатса да кармай беришет.

-1

Rifle_I

2021-05-21 11:42:56

Кыздарыбыз турмушка чыкпай калып кетпесин, эгер макулдугу болсо кое бергиле.

nazira...

2021-05-21 14:19:12

Ооба, согласиеси болсо кое бергиле. Алып качкандары бир жагынан түшүнүш керек, чыгымы аз болот экен, чөнтөккө карап иш кылабыз да. А астына баргандан баштап эсептесек бизге окшогондордун машина, мал мүлкү сатылып калбай калчудай. Алып качып келсе оңой болот экен, внтпесек балдар кыздарыбыз үйлөнбөй, тийбей жүрө беришчүдөй. Акчасы аз адамдарды да түшүнүп койгула, негизгиси жашоосу таттуу болуп бактылуу жашап кетишсин. Ошто анча мынча өзбөктөр да ала качып жатышат.

Комментарий калтыруу үчүн өз ысымыңыз менен кириңиз же каттоодон өтүңүз.