Назира Айтбекова: "Жан дүйнөмдө өзүмдү "пацанка" сезем, дос балдарымды көрсөм күрөшүп кетем"

Актриса, алып баруучу Назира Айтбекова ар кандай темада ачык пикирин билдирип, коомчулуктун кызуу талкуусун жаратып келет. Бул ирет актриса айым SUPER.KG порталына маек берип "Мен кылтылдап, жылтылдап турган аялдарга кирбейм" дейт.

"Мен кылтылдап, жылтылдаган аялдарга кирбейм (күлүп). Жан дүйнөмдө өзүмдү "пацанка" сезем, дос балдарымды көрсөм күрөшүп кетем, мушташып турам. Сырттан карап назик аялдарга суктанам, үйрөнгүм келет. Мен аялдыгымды эми кабыл алгым келип, мен сулуу боло алат экем көрсө деп калдым. Ар бир аял эле өзүнүн аялдыгын кабыл алган эмес. Мисал үчүн, биздин жан дүйнөбүздүн ичинде эки энергия бар. Эркек энергиям меники көбүрөөк болгон үчүн лидер боло алам, бир жыйынтыкка жете алам, акча таба алам. Бир эркектен же башка бирөөдөн көз каранды эмесмин. Эгер аялдык энергиям көбүрөөк болгондо назик, тартынчаак болмокмун, мырзалардан жардам алганда уялбаган касиет болмок", - дейт Айтбекова.