Хоккей: Рига шаарында Беларусь өлкөсүнүн желеги алмашылды. Буга жооп катары Минск бардык дипломаттар жана элчиликтин кызматкерлери чыгарыларын жарыялады

Латвиянын борбору Рига шаарында өтүп жаткан хоккей боюнча Дүйнө чемпиондугуна катышып жаткан өлкөлөрдүн желектери турган аянттардын биринде Беларусь өлкөсүнүн желеги ак-кызыл-ак түстөгү желекке алмашылды. Бул тууралуу чет элдик маалымат булактары жазып чыкты.

Маалыматка ылайык, желектер хоккей боюнча улуттук курама командалардын оюнчулары жашаган мейманкананын жанында жайгашкан. Желекти алмаштырууга Рига шаарынын мэри Мартиньш Стакис жана Латвиянын Тышкы иштер министрлигинин башчысы Эдгарс Ринкевич катышкан.

Буга Беларусь өлкөсү жооп кылып Латвиянын Беларусь өлкөсүндөгү элчиси Эйнарс Семанис Тышкы иштер министрлигине чакырылып, 24 сааттын ичинде өлкөдөн чыгып кетүү сунуш кылынган. Беларусь өлкөсүнүн тышкы иштер министри Владимир Макейдин айтымында, элчиликтин бардык дипломатиялык кызматкерлери 48 сааттын ичинде Беларусь өлкөсүнөн чыгып кетүүгө милдеттендирилген. Бир гана кызматкерге имараттын камын көрүү үчүн калууга уруксат берилген.

23-майда Афины шаарынан Вильнюс шаарына учуп бара жаткан Ryanair учагы Минск аэропортуна тоо-кен иштеринде жардыруу жүрүп жатат деген билдирүүдөн улам шашылыш конгон. Беларусь өлкөсүнүн укук коргоочулары бул учакты Беларусь өлкөсүндө экстремисттик деп табылган Nexta Telegram каналынын негиздөөчүсү Роман Протасевич бар экенин кабарлашкан. Минск аэропортунда документтерди текшерүү учурунда Протасевич кармалган. Ага карата бир нече берене, анын ичинде "массалык баш аламандык уюштуруу" беренеси боюнча кылмыш иши козголгон. Ал 15 жылга чейин эркинен ажыратылышы мүмкүн.

Бул чукул конууну Латвия кескин сындап чыкты.

Автор: Азат Бейшенбеков