Дзюдо боюнча улуттук курама команда Дүйнө чемпиондугуна катышат. Кимдер?

Дзюдо боюнча Кыргыз улуттук курама командасы 6-13-июнь күндөрү Венгриянын Будапешт шаарында өтө турган Дүйнө чемпиондугуна катышат. Бул тууралуу Жаштар иштери, дене тарбия жана спорт боюнча мамлекеттик агенттиктен билдиришти.

Дүйнө чемпиондугуна төмөнкү дзюдочулар катышат:
1. Кубанычбек Айбек уулу 60 кг;
2. Владимир Золоев 81 кг;
3. Эрлан Шеров 90 кг;
4. Юрий Краковецкий 100 килограммдан өйдө;
5. Иса Бичанов, дарыгер;
6. Сергей Мистрюков, улук машыктыруучу;
7. Абдужалил Юнусов, башкы машыктыруучу.

Белгилей кетсек, курама команданын мүчөлөрү Жаштар иштери, дене тарбия жана спорт боюнча мамлекеттик агенттикке караштуу Спорттун олимпиадалык түрлөрү боюнча дирекциясы тарабынан 3-июндан 13-июнга чейин Будапешт шаарына жөнөтүлөт.

Автор: Азат Бейшенбеков