Өзгөчө кырдаалдар министрлигинин суучулдары Казакстанда тажрыйбасы менен бөлүшүп тренинг өтүшүүдө

Өзгөчө кырдаалдар министрлигинин суучулдарды даярдоо жана суу алдындагы техникалык жумуштарды өткөрүү борборунун эки кызматкери Казакстанда эксперт-машыктыруучу катары тренингдерди өтүүдө. Бул тууралуу аталган министрликтин маалымат кызматынан билдиришти.

Ага ылайык, Приозерск шаарындагы суучулдарды даярдоо республикалык окуу борборунун базасындагы "Балхаш" акваториясында башталган машыгуу 6-июнда бүтөт.

"Тренингдин жүрүшүндө катышуучулар билимин, чеберчилигин көрсөтүп, тажрыйба алмашат. Курстун аягында Казакстандын Өзгөчө кырдаалдар министрлигинин суучул-куткаруучулары тарабынан сертификаттар ыйгарылат", - деп айтылат маалыматта.

Автор: Гүлзина Каныбекова
Фото: Өзгөчө кырдаалдар министрлигинин маалымат кызматы