Абакта отурган учурда ата-энеси, бир тууганы каза болгон. АКШда 32 жылын бейкүнөө камакта өткөргөн адам эркиндикке чыкты

АКШнын өмүр бою эркиндигинен ажыратылган жараны түрмөдө 32 жыл отургандан кийин акталды. Бул тууралуу чет элдик басылмалар жазышууда.

Маалыматка ылайык, Гилберт Ли Пул 1988-жылы адам өлтүрүүгө айыпталып кармалган. 1989-жылы сот 22 жаштагы Пулду мөөнөтүнөн мурда эркиндикке чыгуу укугусуз өмүр бою эркинен ажыраткан. Сот мындай чечимди айыпталуучунун сүйлөшкөн кызынын жалган көрсөтмөсүнөн улам чыгарган. Мындан сырткары бир нече күбө Пулдун бычак көтөрүп, өзүн агрессивдүү алып жүргөнүн айткан.

ДНК анализи Пулдун кылмыш болгон жерде болбогондугун көргөзгөнү менен 1989-жылдагы мыйзамга ылайык, мындай анализ тергөө тарабынан эске алынган эмес.

Бейкүнөө абакта отурган жаранды бошотуу аракети 10 жыл мурда башталып, Пулдун жактоочулары кайрадан ДНК анализин жасоого жетишишкен. Жыйынтыгында, кылмыш болгон жердеги кан тамчылары каза болгон адамга да, айыпталуучуга да тиешелүү эмес экени аныкталган.

Буга байланыштуу сот ушул жылдын 26-майында Гилберт Ли Пулду актоо чечимин чыгарган.

"Абакта отурган учурда атам, апам жана бир тууганым каза болду. Мени эркиндикке алып чыккан жактоочуларым менин жаңы үй-бүлөм болуп калды. Учурда акырындык менен жаңы жашоого көнүп жатам. Өмүрүмдө биринчи жолу уюлдук телефонду колума кармап көрдүм. Унаа айдагандан азырынча коркуп турам", - деп билдирген Пул.

Маалымдалгандай, абакта бейкүнөө отурган ар бир жылы үчүн Пулга 50 миң доллардан компенсация төлөнүп берилет.

Автор: Бекболот Сарыбаев

08:51 31-05-2021

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 613 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 3040 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 808 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1762 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1152 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1685 0

Архив

Комментарийлер (8)

Tursunbaev1978

2021-05-31 09:09:49

Компенсация өтө азго 32 жылга 1 миллион 600 миң доллар,же адашып жазды автор

nurdan2018

2021-05-31 09:57:34

Tursunbaev1978, бул акча аз эмес омурунун акырына чейин жеткирсе болот

-4

tihonkg

2021-05-31 20:59:43

nurdan2018,тууган америкда жеткире албайсын, дагы бир ушундай окуяда канчада милн тологон болчу, бул адамга азырак бериптир

aksy.1989

2021-05-31 10:14:07

Бир жарым миллион азбы?

-4

Tursunbaev1978

2021-05-31 10:44:50

aksy.1989,бизге көп,Америкада бир жарым миллион сом дегендей эле да бул акча,мен 32 жылдык текке кеткен өмүрүнө салыштырып жазып атам

sotkasotovic

2021-05-31 10:41:07

Жылына 4 200 000 сомдон толоп турат

Rifle_I

2021-05-31 14:51:25

Туугандар баарыңар акчасын санап кирдиңер.
32 жыл өмүрүн эске эч ким албады. Бул жылдар кайтарылбайт. Жашоо дагы 32 жылда алда канча өзгөрүп кетти. Мындайча айтканда СССРдеги адам, биздин заманга келип калгандай эле.

Rifle_I

2021-05-31 14:51:38

Бул жашоодо да эч кимиси жок. Жалгыздык.

Комментарий калтыруу үчүн өз ысымыңыз менен кириңиз же каттоодон өтүңүз.