Футбол: "Манчестер Ситиде" 10 жыл ойногон Серхио Агуэро "Барселона" клубуна өттү

Аргентиналык белгилүү футболчу Серхио Агуэро каталондук "Барселона" футболдук клубуна өттү. Мындай маалымат "Барселона" клубунун расмий сайтына жарыяланды.

Маалыматка ылайык, аргентиналык футболчу бүгүн, 31-майда медициналык кароодон өткөн. Анын клуб менен болгон келишими 2023-жылга чейин түзүлдү.

Серхио Агуэронун "Манчестер Сити" менен келишими ушул жылы жай айында аяктады. Англиялык клуб аргентиналык футболчу менен келишимди узартпоо чечимин кабыл алган. 32 жаштагы чабуулчу "Манчестер Ситиде" 2011-жылдан бери ойноп келген. Ал клуб менен беш жолу Англия чемпиондугун, Англия Кубогун жана үч жолу Суперкубокту, алты жолу Англия Лигасынын Кубогун жеңип алган.

Автор: Азат Бейшенбеков