Жогорку Кеңештин депутаты Рыскелди Момбеков эртең, 1-июнь күнү Кумтөр боюнча УКМКга суракка чакырылды. Мындай маалымат Момбековдун өзү менен байланышканыбызда белгилүү болду.
"Мен чакыруу кагазын алган жокмун. Бирок "чакыруу кагазын тапшырып коёлу, сизди таппай жатабыз" деп телефон чалышты. Мени кандай таппай жатасыңар? Мен үйдө эле жүрөм дедим. Мени Кумтөр боюнча сурашат экен. Мен мурда-кийин өкмөттө иштебесем, 5-чакырылышта болбосом анан Кумтөргө менин кандай тиешем бар? Мүмкүн азыркы комиссиянын мүчөсү катары чакырып жатасыңар десем суроолорубуз бар деди. Мени саат канчага чакырышарын айта элек", - деди Момбеков.
Буга чейин Кумтөр иши боюнча дагы бир депутат Асылбек Жээнбековдун кармалганы кабарланган.