Лионель Месси 4 жылдык келишим менен "Барселонада" канча каражат табары белгилүү болду

"Барселона" клубу менен команда капитаны Лионель Мессинин жаңы келишими боюнча сүйлөшүүлөрдүн деталдары белгилүү болду. Бул тууралуу чет элдик маалымат булактары жазышты.

"Месси 4 жылдык келишим менен "Барселонада" 240 миллион евро каражат табат. Келишимде Мессиге жылына 60 миллион евро маяна сунушталган. Анын 2 жылы оюнчу катары, 2 жылы клубдун АКШдагы элчиси катары болот. Ошондой эле дагы деле сүйлөшүүлөр жүрүп жатканын баса белгилейт", - деп жазылат маалыматта.

Лионель Месси "Барселона" командасында 2003-жылдан бери ойноп келет. Ал футболдогу жеке сыйлыктын эң мыктысы болгон "алтын топту" 6 жолу жеңип алган.

Автор: Ырыскелди Салбаров