Роман Петров Олимпиада оюндарына даярдык көрүп жатат

XXXII жайкы Олимпиада оюндарына, ошондой эле эл аралык мелдештерге ийгиликтүү даярдык көрүү максатында Кыргыз Республикасынын фехтование боюнча улуттук курама командасынын мүчөлөрү Ысык-Көл облусунда окуу-машыгуу жыйын өткөрүп жатышат. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

Маалыматка ылайык, жыйын 31-майда старт алып, 21-июнга чейин уланат.

Курама команданын мүчөлөрү:

1. Роман Петров, ЭДСЧ;

2. Нурлан Кулуев, СЧ;

3. Назар Маткеримов, СЧ;

4. Данил Миркун, СЧ;

5. Илим Бакытбек уулу, СЧ;

6. Жоодат Есеналиев, СЧТ;

7. Валерий Карякин – улук машыктыруучу.

Белгилей кетсек, окуу-машыгуу жыйыны Жаштар иштери, дене тарбия жана спорт боюнча мамлекеттик агенттикке караштуу Спорттун олимпиадалык түрлөрү боюнча дирекциясынын 2021-жылга карата окуу-машыгуу жыйындарынын календардык планына ылайык өткөрүлүп жатат.

Автор: Айзада Тураркулова