Жабыркагандар болсо кайрылгыла! Бишкекте коомдук транспортто уурулук кылганга шектүү жаран кармалды

Бишкекте коомдук транспортто уурулук кылганга шектүү жаран кармалды. Бул тууралуу Бишкек ШИИББинин маалымат кызматынан билдиришти.

Белгилей кетсек, автобустан телефон уурдаган белгисиз жарандын видеосу социалдык тармактарга тараган.

Бул факты Кылмыштардын жана жоруктардын бирдиктүү реестрине 200-берене "уурулук" менен катталып, сотко чейинки өндүрүшкө алынган.

Иликтөө иш-чараларынын жүрүшүндө, жогорудагы кылмышка шектелип 1988-жылы туулган жаран кармалып, убактылуу кармоочу жайына камакка алынды. Ошондой эле шектүү жарандын мурда соттолгону белгилүү болду.

Милиция сүрөттөгү жарандын кылмыштуу аракетинен жабыркагандар болсо, төмөнкү номерлерге кайрылса болорун билдирди. Байланыш номерлери: 0553-102 747, 0500-779 779, 0554-102 320, 0557-292 329.

Автор: Гүлзина Каныбекова
Фото: Бишкек ШИИББинин маалымат кызматы