Жалал-Абадда аёосуз сабалган жаран: "Аттан кулап түштүм, эч кимге арыз-доом жок"

Жалал-Абадда аёосуз сабалган эркек кишинин видеосу социалдык тармакка тараган. Окуя мындан бир ай мурда, тагыраагы 4-майда орун алган. Бул туурасында Жалал-Абад ОИИБинин басма сөз кызматынан кабарлашты.

Белгилүү болгондой, Жалал-Абад шаарынын 1968-жылы туулган А.С. аттуу жашоочусу денесинен жаракат алып, Сузак районунун Октябрь аймактык ооруканасына түшкөн. Топтолгон материал тергөө үчүн Жалал-Абад ШИИБине жиберилип, Кылмыштардын жана жоруктардын бирдиктүү ресстрине 266-берене ("бейбаштык") менен катталып, сотко чейинки өндүрүш иши башталган.

Тергөө амалдарынын жүрүшүндө, жабырлануучу төмөндөгүлөрдү билдирген.

“2021-жылы 2-май күнү саат 13:00 чамасында Мурад аттуу таанышым келип “иш бар, иштейсиңби” деп айтты. Мен эмне жумуш экендигин сурасам, малчы керектигин билдирди. Мен макул болуп саат 17:00 чамасында Мурад менен жайлоого кеттим. Тахырга жайлоого кетип жаткандыгымды айттым. Жолдо бара жатып дүкөнгө токтоп, спирт ичимдигин алып чыктым. Мурад экөөбүз жолдо бир аз ичип бара жаттык. Жайлоого жеттик. Кайсы жайлоо экендигин билбейм. Унаадан түшүп бир атка Мурад экөөбүз минип баратып, мен аттан кулап түштүм. Ат мени 15-20 метрдей аралыкка сүйрөп кетти. Мурад атты токтото албай, ал да жерге кулап жатып калды. Андан соң мен кайра Жалал-Абад шаарына кетмекчи болгон учурда 2 милиция кызматкери ооруканага алып келди. Мен мас абалда болгон үчүн Тахыр урду жана унаага жүктөдү деп айтып салгандыгымды билбейм. Себеби мас элем. Эч кимге арыз-доом жок”, - деп көрсөтмө берген. Ошондой эле А.С. соттук-медициналык экспертизадан өтүүдөн баш тарткан.

Жалал-Абад ШИИБинин тергөө кызматы тарабынан 21-май күнү иш өндүрүштөн кыскартылган.

"7-июнь күнү интернетке тараган видеодо айтылган дооматтарды текшерүү максатында мурдагы сотко чейинки өндүрүш ишин кыскартуу токтомун жокко чыгарып, кошумча текшерүү жүргүзүү үчүн Жалал-Абад шаардык прокуратурасына өтүнүч келтирилди. Учурда өтүнүч каралууда", - дешти мекемеден.

Автор: Бактыгүл Момбекова

02:32 08-06-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 1830 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 1140 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1254 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 528 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 960 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 626 0

Архив

Комментарийлер (4)

Tatu_8889

2021-06-08 11:45:50

Коркуп жатат ко

Neizvestno777

2021-06-08 13:59:11

Жылкыны эмне колу бутан байлап алып миндиби?

kited

2021-06-08 15:04:57

чоон эле пайгамбар жашвна барып калыпсых ичпей эле койбопсуз.Алла журогунузго ыйман ынсап берип ичпей калын эми ден соолук каалайбыз.

adilbars

2021-06-08 18:35:00

Ушинтип күнөөкөрлөрдү жазасыз калтырса калган өмүрү да келтекте өтөт. Муну кылган мыкаачылар башкаларга да ушул эле күндү көрсөтөт. Жакшылап тергеп, күнөөлүүлөргө жаза беришсин!

Комментарий калтыруу үчүн өз ысымыңыз менен кириңиз же каттоодон өтүңүз.