Чүйдө баасы 200 миң сомдук интернет-кабелди уурдоого шектүү жарандар кармалды

Чүй облусунда уурулук фактысына шектүү жарандар кармалды. Бул тууралуу Чүй ОИИББинен билдиришти.

Маалыматка караганда, Панфилов РИИБине интернетке туташтыруучу кабелди уурдап кеткендиги тууралуу маалымат келип түшкөн. Келтирилген чыгымдын баасы 200 миң сомду түзгөн.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

"Иликтөө иштеринин жүрүшүндө жогорудагы кылмыш ишине шектелип, 22 жана 21 жаштагы Чүй облусунун тургундары кармалып, убактылуу кармоочу жайга киргизилген. Тергөөнүн жүрүшүндө жогорудагы кылмышка шектүүлөр мындан сырткары дагы 8 уурулук фактысына тиешеси бар экендиги аныкталган. Учурда тергөө иштери уланып жатат", - деп билдиришти Чүй ОИИББинин маалымат кызматынан.

Автор: Гүлзина Каныбекова
Фото: Чүй ОИИББинин басма сөз кызматы