Жашаган жери жок болгондуктан, орун талашып уруша кетишкен. Ошто 26 жаштагы жарандын өлүмүнө шектүүлөр кармалды

Ош шаарында көп кабаттуу үйдүн алдындагы электр чордонун алдынан 26 жаштагы жарандын жансыз денеси табылды. Ош ШИИБинин маалымат кызматынан кабарлашкандай, маркум киши колдуу каза болгон.

Маалым болгондой, 5-июнда болжол менен саат 05:20да укук коргоочуларга кабар келип түшкөн. Анда Ош шаарындагы көп кабаттуу үйдүн алдындагы электр чордонунун алдынан белгисиз жарандын жансыз денеси жаткандыгы кабарланган.

"Окуя болгон жерге ыкчам тергөө тобу барып, жансыз денеге сырттан кароо жүргүзгөн учурда анын денесинде көгөргөн жана сыйрылган жарааттары бар экендиги аныкталып, тийиштүү иш кагаздар чогултулган. Бул факты Жазык кодексинин 138-беренесинин 3-бөлүгүнүн 1-пункту менен катталып, сотко чейинки өндүрүшкө алынган.

Алгачкы тергөөнүн жүрүшүндө соттук-медициналык экспертиза дайындалып, эксперттер тарабынан жансыз денеге кароо жүргүзүлгөн. Анда маркумдун сол тарабындагы 2,3 кабыргасы сынганы жана киши колдуу каза болгону аныкталды. Маркум Ош облусунун Өзгөн районунун 1995-жылы туулган Э. уулу Э. аттуу тургуну экени такталды.

Бул кылмыш ишине шектүү катары Ош облусунун Өзгөн районунун 1992-жылы туулган Б.Э. жана Алай районунун 1991-жылы туулган Ж.Б. аттуу тургундары кармалды. Кармалгандар сурак учурунда 4-июнь күнү болжол менен саат 14:00 чамасында спирт ичимдигин ичишкенин, туруктуу жашаган жери жок болгондуктан, шаардагы электр чордонуна барышып, ал жерде уктап жаткан жарандан орун талашып уруша кетишкенин айтып беришкен. Шектүүлөр уктап жаткан жаранды тепкилеп, анын чөнтөгүндөгү 270 сом акчасын алып кетип калышканын белгилешкен.

Кылмышка шектүүлөрдүн баш коргоо чарасы каралып, тергөө аяктаганга чейин абакта кармоо боюнча чечим чыкты", - дешти мекемеден.

Автор: Бактыгүл Момбекова

18:04 09-06-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 850 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 697 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 827 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 361 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 692 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 466 0

Архив

Комментарийлер (2)

NURSAPAR

2021-06-09 18:47:55

Жаш эле туруп бомж бекен?

Jacob.

2021-06-09 19:01:09

Иш десе ишке, аш десе ашка тойбой, бир эмес эки уй-булоону бага турган жашта курагында, бир тунго 2 метр жер талашып урушуп, 270 сомдун айынан омур кыйылып, пипец короче...

Комментарий калтыруу үчүн өз ысымыңыз менен кириңиз же каттоодон өтүңүз.