Бишкектеги Чоң Чүй каналына түшүп кеткен эркек кишинин жансыз денеси табылды

Бишкекте сууга чөгүп кеткен кишинин жансыз денеси табылды. Бул тууралуу ӨКМнын маалымат кызматынан билдиришти.

"7-июнь күнү Коммунаров көчөсүндө Чоң Чүй каналына (БЧК) 1978-жылы туулган Ж.Н. аттуу эркек киши сууга түшүп кеткен. Жерине издөө иштерин улантуу максатында ӨКМдан жалпы 21 куткаруучу тартылган. 10-июнь күнү саат 19:00дө Сокулук районунун Новопавловка айылынын Тынчтык конушунда Чоң Чүй каналында жергиликтүү тургундар тарабынан эркек адамдын жансыз денеси табылган. Жерине сууга чөгүп кеткен жарандын туугандары барып аты-жөнүн тактап беришкен",- деп жазылат маалыматта.

Автор: Ырыскелди Салбаров