"Атам экөөбүздүн мамилебизди көпчүлүк эми билди". Ырчы Нурмат Садыров атасын коомчулукка көрсөттү

Ырчы Нурмат Садыров күйөрмандарын кызыктырып келген суроого жооп кылып, атасын коомчулукка көрсөттү. Тагыраагы, ырчы атасы экөөнүн жолугушкан видеосу менен бөлүштү. "Атам экөөбүздүн мамилебизди көпчүлүк эми билди" деген ырчы 8-класста окуп жүргөндө ата-энеси эки башка жолго түшкөнүн айтат.

"Атам башка үй-бүлөсү менен жашайт, кызы бар. Бирок биздин мамилебиз үзүлгөн эмес. Айылда жакшылык, жамандык деген болот, дайыма барып турабыз. Мен апамдын жанындамын, атама барып, келип турам. Апам дайыма жанымда, көп сырдашам, кеңешем. Бул ирет атам экөөбүз эле сапарга чыгып кенен сырдаштык. Ага көкүрөгүмдөгү сөздөрүмдү айтып, сагынычымды таратып, чер жазып узак жолдо баарлаштым. Атам менен апамдын жолу эки башка болсо да алардын мага тилеги бир", - дейт ал.

Нурмат Садыров жарыялаган видеодон жайлоодо эс алып жүргөн апасын, бир туугандарын да көрүүгө болот. Анда ырчы мырза "баарыңар эле түгөйүңөр менен экенсиңер, апама да бир жигит алып келдим" деген.

"Апам улуу баласын, келинин, небересин өзү окуткан. Окуучулары, кыздары, күйөө балдары менен жайлоого кымыз ичкени кетишкен. Ал жакта уюлдук байланыш тартпайт, ошого атам менен баратканымды билишкен жок.

Апамды кандай сыйлап карасам, атама да ошондой эле мамиле кылып келем. Болгону атама кылган мамилемди социалдык тармакка жарыялаган эмесмин. "Апаңызды эле көрсөтөсүз, эмнеге атаңызды чыгарбайсыз?" дегендер биринчи ирет көрүштү. Баары жакшы каалоо-тилектерин жеке кат аркылуу жазып, улуу агаларым батасын жазыптыр. Аябай ичим жылыды. Атам менен апамдын ортосундагы көпүрөмүн, экөөнүн тең кыялдарын орундаткым келет. Алардын бир эле арманы - менин үйлөнүп, балалуу болгонумду каалап, небере көргүсү келгени.

Атамды да, кызын дагы жакшы көрөбүз, амандыгына ыраазыбыз, канчалаган кыйынчылыкты башынан өткөрүштү", - деди ырчы.

Автор: Бактыгүл Момбекова

11:15 13-06-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (7)

jaz99

2021-06-13 11:26:14

Ушул акылдуу бала да ата энени сыйлаган

ErkinOkenovich

2021-06-13 12:07:48

Жигитсиң Нурмат бактылуу бол.

Jelezo

2021-06-13 12:16:03

Азамат ата энеңди сыйлап жүрө бер.

Kg2020

2021-06-13 13:17:14

Азамат

Kari

2021-06-13 13:42:38

Атасы менен апасы окшошуп кетет экенби? Макул эми баласынын сый урматын жакшылыгын,бактылуулугун тен корушсун.

erkekyz1

2021-06-13 14:30:47

Кайсы бактылуу кыздын маңдайына жазылдыңыз экен....

nazira...

2021-06-13 16:00:17

Жакшы бала, билбепмин атасы бвр экенин. Ырлары сонун, кана эле балаң ушинтип жаркылдап жакшына ырларды ырдап чыкса, апаң бактылуу Нурмат. Сен апана аябай окшошсун, апана арнаган ырын сонун чыккан.

Комментарий калтыруу үчүн өз ысымыңыз менен кириңиз же каттоодон өтүңүз.