Жалал-Абадда күйүүчү май ташуучу унаа оодарылып кетти

Жалал-Абад облусунда күйүүчү май ташуучу унаа оодарылып кетти. Бул тууралуу Өзгөчө кырдаалдар министрлигинин маалымат кызматынан билдиришти.

Маалымытка ылайык, 102 кызматына Бишкек-Ош унаа жолунун тагыраагы Ноокен районунун Бүргөндү айыл аймагында май ташуучу унаа (бензовоз) жол кырсыгына кабылып оодарылып кетти деген маалымат келип түшкөн.

Абалды көзөмөлдөө үчүн Майлуу-Суу шаарынын ӨКБдан 1 бөлүм тартылып, жол кыймылынын коопсуздугун көзөмөлдөө башкармалыгынын кызматкерлери менен биргеликте иш-чаралар жүргүзүлдү. Жабыркаган адамдар жок.

Автор: Гүлзина Каныбекова
Фото: Өзгөчө кырдаалдар министрлигинин маалымат кызматы