Орусиядагы мекендешинен ири суммадагы акча каражатын опузалап талап кылууга шектелген жарандар кармалды

Орусиядагы мекендешинен миллион рубль акча каражатын опузалап талап кылган шектүүлөр изин жашырып жүргөн жеринен кармалышты. Бул тууралуу ИИМдин басма сөз кызматынан билдиришти.

Маалыматка ылайык, ИИМдин Орусиядагы өкүлчүлүгү жаз айында Кыргыз жарандарынан түзүлгөн уюшкан кылмыштуу топ Москванын аймактык полициясы тарабынан кармалган.

"5-апрелде түн ичинде Москва шаарынын көчөлөрүнүн биринде кыргыз улутундагы 8-9 белгисиз жаран Кыргыз жаранына күч колдонуп УАЗ үлгүсүндөгү унаага отургузуп, токой тарапка алып барышып, аны курал менен коркутуп, ири суммадагы акча каражатын талап кылышкан.

Бул окуяны ошол жакта кокустан өтүп бара жаткан адам байкап калып, укук коргоо органдарына кабарлаган. Кылмыш болгон жерге полиция келип, опузалаган 4 адамды кармашкан. Алар Жалал-Абад жана Чүй облустарынын тургундары болушат. Алардан ок атуучу курал, “ИЖ-71” үлгүсүндөгү кызматтык тапанча, ок-дарылар, бычак, арматура, дубинкалар табылган. Кармалган жарандардын бири Жалал-Абад облусунун 23 жаштагы тургуну, ал уюшкан кылмыштуу топко тиешеси бардыгы жөнүндө маалымат бар.

Дагы бир кармалган жаран Ноокен районунун 26 жаштагы тургуну ММА боюнча белгилүү болгон спорттук клубдардын биринде машыгат, спортчу. Окуя болгон жерден дагы Чүй облусунун Сокулук районунун 25 жаштагы тургуну жана Базар-Коргон районунун 24 жаштагы тургуну кармалган.

Бул факты боюнча Орусиянын тергөө комитетинин аймактык бөлүмү Кылмыш-жаза кодексинин 126-беренеси "киши уурдоо" жана 163-беренеси "опузалап талап кылуу" менен кылмыш ишин козгогон. Июнь айында ИИМдин Орусиядагы өкүлчүлүгүнүн жардамы менен жогорудагы кылмыш ишине тиешеси бар изин жашырып жүргөн Жалал-Абад облусунун Сузак районунун 23 жаштагы тургуну кармалды", - деп билдиришти ИИМдин маалымат кызматынан.

Ошондой эле аталган мекемеден бул кылмыш ишине шектелген дагы бир жаран издөөгө алынганын кошумчалашты. Бул факты боюнча айыпталуучуларды кылмыш жоопкерчилигине тартуу жана калган шектүүлөрдү аныктоо жана кармоо боюнча тергөө амалдары жүрүп жатат.

Автор: Гүлзина Каныбекова

18:27 21-06-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 850 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 697 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 827 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 361 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 692 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 466 0

Архив

Комментарийлер (4)

gitaris93

2021-06-21 19:29:46

Кана сүрөттөрү далилиң жокпу чыгарба

-6

Apyn8793

2021-06-21 20:33:38

Кыргыздын душманы кыргыз!

Altyn10076

2021-06-21 23:11:08

Ошондой балдарды койбербей камап салгыла. Чыккандан кийин дагы эле улантат тоноону. Карапайым элдерди.

al-abu-kinesz

2021-06-21 23:54:00

Ошол черный сымалдар башка улуттун жигиттерине духтары жетпейт, кавказдын жигиттерине соз дагы суйлой алышпайт только озубуздун кыргыздарга духу жетет.

Комментарий калтыруу үчүн өз ысымыңыз менен кириңиз же каттоодон өтүңүз.