"Шектүү кызга тийишип, денесин кармалап баштаганда кыз кыйкырып жиберген..." Милиция Чүйдөгү 16 жаштагы кыздын өлүмү тууралуу айтты

Чүйдүн Кемин районунда 16 жаштагы кызды өлтүрүүгө шектүү жаран кармалды. Бул тууралуу SUPER.KG порталына облустук милициядан билдиришти.

Маалыматка караганда, кечээ, 21-июнь күнү болжол менен саат 17:15 чамасында Кемин РИИБине аталган райондун аймагындагы токойлордун биринен кыздын жансыз денеси табылгандыгы тууралуу маалымат келип түшкөн.

"Айтылган дарекке барган милиция кызматкерлери жансыз денеге кароо жүргүзгөндө анын киши колдуу каза болгондугу аныкталган.

Кийин болжол менен саат 17:30 чамаларында Кемин РИИБине жергиликтүү Х.Л. аттуу аял кайрылып, 2005-жылы туулган кызы 21-июнда болжол менен саат 11:00 чамаларында чыгып кеткен боюнча дайынсыз болуп жатканын билдирип, аны издешүүгө көмөктөшүүнү суранган. Каза болгон кыз жогорудагы дайынсыз болуп жаткан 2005-жылы туулган Х.О. аттуу кыз экендиги такталган", - деп билдиришти Чүй ОИИББинин маалымат кызматынан.

Бул факты Кылмыштардын жана жоруктардын бирдиктүү реестрине 130-берене "киши өлтүрүү" боюнча катталып, сотко чейинки өндүрүш иштери башталган.

"Сотко чейинки өндүрүш иштеринин алкагында каза болгон кыздын апасы суракка алынган. Анда 21-июнь күнү болжол менен саат 08:30 чамаларында кызы мектепти аяктагандыгы тууралуу күбөлүгүн алуу үчүн кетип, көп өтпөй болжол менен саат 10:59 чамаларында кошунасынын телефонунан чалып үйгө сугат жумуштары бүткөндө барарын айтып, ошол боюнча үйүнө келбегенин билдирген.

Милиция кызматкерлери тарабынан жүргүзүлгөн издөө иш-чараларынын натыйжасында бул кылмыш ишине шектелип, буга чейин бир нече жолу соттолгон 1979-жылы туулган Б.К. аттуу жаран кармалган.

Милиция кызматкерлери тарабынан жүргүзүлгөн териштирүүдө, ошол күнү болжол менен саат 11:00 чамаларында каза болгон кыз апасына чалуу үчүн кошунасынын телефонун сурап, андан кийин акча сураган учурда шектүү кызга тийишип, денесин кармалап баштаган. Ал маалда кыз кыйкырып баштаганда коркуп кеткен шектүү кызды муунтуп, кийин башка кошунасынын унаасын сурап, жансыз денени жашыруу үчүн аны токойго таштап салганы маалым болгон", - деп кошумчалашты облустук милициядан.

Учурда зарыл болгон экспертизалар дайындалып, кармалган жаран убактылуу кармоочу жайына камакка алынды. Сотко чейинки өндүрүш иштери улантылып жатат.

Автор: Гүлзина Каныбекова
Фото: Чүй ОИИББинин басма сөз кызматы

11:51 22-06-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 1089 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 2213 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 1192 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 3058 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 758 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 3771 1

Архив

Комментарийлер (20)

ErkinOkenovich

2021-06-22 12:17:51

Кайран омур.эй манкурт жаш кызга кызыкпай уйлонуп катынына жабышпайсынбы сыйпалап. Килендеген эле киши экенсин. Жат эми Айлап жылдап зар какшап.
Жалындап жаны бурун ачайын деп келаткан, гулубуздон айылында.

+15

ErkinOkenovich

2021-06-22 12:18:34

Айрыдын манкурт

algakaray

2021-06-22 12:34:46

Ушундайлардын эмнесин айайбыз билбейм тем более мурун да соттолгон эшек экен. Ит аткандай тынчытыш кк. Кайран кана жаш кыз. Боорум ачыйт да ушундайды укканда.

+12

Sara1993

2021-06-22 16:47:15

algakaray, Эн туура бизге олум жазасын киргизиш керек , ушундай манкурттарды площадь га алып барып туруп элдин козунчо атып салыш керек, ошондо башкаларга дагы сабак болот.

-FREEDOM-

2021-06-22 13:46:55

Кудай сакта. Балларым чонойгон сайын корком. Мындайлардан кантип коргойбуз?

Nursul

2021-06-22 13:54:45

Эч бир соо күн жок экен да бизде, бул эшекти кармап сотко чейинки өндүрүшү жок эле олтуруп эле салыш керек. Бул акмака ошол эле жарашат. Өзү ушундай зөөкүрлөр көбөйүп кетти бизде бирөөнө эле жеткий жаза колдонуп койгондо башкалары кызып калар эле антпесе көбөйүп баратат.

Sakubek

2021-06-22 13:57:20

Акча сурубаса керек

VENOM

2021-06-22 14:09:06

Кебетен с****н

Asmat84

2021-06-22 14:17:39

Бирок эч бир далилди көрбөй турам го. Кармалап баштаганын кыйкырып жибергенин эч ким көрбөсө ким каяктан айтып отурат. Мен бул менен эч бир далилди көрбөдүм. Балким жөн гана подставадыр ким билет.

-1

Nina.alex

2021-06-22 15:42:08

Asmat84,акмак.сен тууганысын го алдыгы щумщуктун

-1

Asmat84

2021-06-23 08:43:26

Nina.alex, мен эч кандай дос тууганы эмесмин мен таптакыр башка жактанмын ал тургай ал районго барган эмесмин менин айтайын дегеним күнөөлүү адам далилденсе атып салыш керек ал бизге Кыргызстанга кереги жок акмак бирок ошол өлтүргөн точно ошолбу ошол эмеспи деген ойдомун

Jaysan030

2021-06-24 10:21:41

Nina.alex, минус басылып кетти кечиресиз, ++++++++++++

aidai89

2021-06-22 15:57:18

Мындай педофил ондуулорго олум жазасын койгула,оз кызындай эле экен го,байкуш кыз

Kisa-2014

2021-06-22 16:20:21

Бироонун канча мээнет менен чонойткон кызын ,кантип колун барды олтургонго ,акмак

Datka7777

2021-06-22 17:07:22

Атыш керек, соттоп алып кайра бакпай мамлекеттин эсебинен

Muaz2707

2021-06-22 17:11:03

Аллахым жазанды берсин

Nur777

2021-06-22 17:45:40

Тушунуктуу кылып жазгылачы:кошунасына чалып акча сураган учурда шектуу кармалап,кыз кыйкырып,шектуу муунткан....кандай тушунсо болот?

Kombi

2021-06-22 19:28:54

Nur777, ушак жазгандай эле жазат булар. Текшерген адам жок.

Rakyl12

2021-06-23 10:16:55

эхх эхх, акмактардын айынан канча омур кыйылды, алигисинен дарака асып коюш керек буларды.

DNurgiza

2021-06-23 15:41:51

Кошунасын сураш керек

Комментарий калтыруу үчүн өз ысымыңыз менен кириңиз же каттоодон өтүңүз.