Спортчу Каныкей Кубанычбекова ок атуу боюнча Олимпиада оюндарына жолдомо алды

Спортчу Каныкей Кубанычбекова ок атуу боюнча Олимпиада оюндарына жолдомо алды. Бул тууралуу Жаштар иштери, дене тарбия жана спорт боюнча мамлекеттик агенттиктен билдиришти.

Маалыматка ылайык, спортчунун жолдомого ээ болгону ВП-6 көнүгүүсүдө онлайн жана оффлайн өткөн эл аралык мелдештерден кийин белгилүү болгон.

Каныкей Кубанычбекова 2020-жылы өткөн Кыргыз өлкөсүнүн Кубогунун жеңүүчүсү. Мындан сырткары спортчу көптөгөн эл аралык мелдештерде баш байгеге ээ болгон.

Айта кетсек, Каныкей Кубанычбекова - спорттун ок атуу түрү боюнча Олимпиада оюндарына лицензия утуп алган алгачкы кыргыз спортчусу.

Автор: Айзада Тураркулова