реклама
super.kg logo

Жашоочулар менен компания ортосунда чыр чыгарган курулуш

 

SUPER.KG порталына Бишкек шаарындагы Климент Тимирязев жана Токтоболот Абдымомунов көчөлөрүндө жашаган тургундар кайрылышты. Алардын үйүнүн жанына "Макро Констракшн" компаниясы көп кабаттуу үй салып, андан жашоочулар жабыр тарткандыгын айтышты. Биз окуянын чоо-жайын билүү үчүн көп кабаттуу үй салынып жаткан жайга барып, андан соң тараптардын пикирин угуп келдик.


4 баланын энеси Айнагүл Бекмуратова бул үйдө 30 жылдан бери жашай тургандыгын, үйүнүн жанына көп кабаттуу үй салынып, сарайынын бир тарабы урап түшүп калгандыгын айтат.

"Биз бул үйдө кайын энем, жолдошум, төрт балам менен жашайбыз. Курулуш компания үй куруп баштагандан кийин биздин сарайдын арткы дубалы кулап түштү. Оңдоп бергиле деп кайрылсак, бизди уккан эч ким жок. Бир нече жерге кайрылдык, бирок биз тарапка чечилген жооп ала албай келебиз. Кыш түшкөнчө бир нерсе кылып салып беришсе деп эле отурабыз", - дейт Бекмуратова.

Дал ошондой эле Назира Калыкова дагы бул курулуштан жабыр тарткандардын бири. Ал жетектеген "Илим-Билим Нур" бала бакчасындагы ашкананын бир жак дубалы урап түшкөн.

"Март айында ортобузду бөлүп турган дубал, биздин бала бакчанын ашканасынын дубалы кулап түшкөн. Окуя түндө болгон экен. Эгер күндүз кулап, бул жерде балдар ойноп жатса эмне болот эле, элестете да албайм. Ар бир баланын коопсуздугуна бул жерде болгон соң биз жооп беребиз. Азыр дагы кооптуу абалда курулуш жүрүп жатат. Бакчанын астына балдар чыгып ойнойт. Курулуш компанияга "Коопсуздук эрежелерин толук сактап, андан соң ишиңерди жасагыла" десек бизди тоготуп да койгон жок", - дейт Калыкова.

Тургундардын үнүн уккан соң биз "Макро Констракшн" курулуш компаниясына байланыштык. Курулуш компаниянын башкы директорунун орун басары Бакыт Айдарбеков курулуш мыйзамдуу экендигин жана да бардык документтер бар экендигин билдирди.

"Баардык органдардын уруксат кагаздары бизде бар, курулуш мыйзамдуу түрдө жүрүп жатат. Текшерүүлөр келип баары ордунда экендигин көрүп кеткен" дейт Жеңишбеков.

Ал эми Бишкекбашкыархитектура башкармалыгына аталган маселе боюнча кайрылып, бирок жооп ала алган жокпуз.






Жашоочулар менен компания ортосунда чыр чыгарган курулуш

Автор: Гулзада Абдырахманова
Оператор: Руслан Алыбаев
 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(4)
24.06.2021. 10:42 
Тайпасы:
Жаран
Комментарийлердин саны:
672
Катталган:
02-11-2020
Соӊку аракети:
24-07-2021 08:16
Жынысы:
Белгисиз
-1
Убагында ошол жеринерди ошол курулуш компаниясына сатып же болбосо ошол жаңы курулуп жаткан курулуштан суммаңарга жараша 3 бөлмөлүү 4 бөлмөлүү батирге алмаштырып алыш керек эле да. Өзүңөр келише албай койгонсунар ошондуктан алар да на принцип жасап жатышса керек.
24.06.2021. 15:29 
Тайпасы:
Жаран
Комментарийлердин саны:
112
Катталган:
13-11-2016
Соӊку аракети:
23-07-2021 13:07
Жынысы:
Белгисиз
0
Asmat84,Мүмкүн алар этаж үйдо жашагысы келбесе керек?Алар снос боло турган үйлөр эмес да.Ал эми бала бакчаны да не этажга көчүруш керек болуп калабы ошондо????бул жак Прогрупп компаниясына карайт адашпасам.Просто ачык чыгаргысы келбей жатат да.Бул да болсо чоң таанышы күчтүү бирөөнүкү да акмактар.
24.06.2021. 13:10 
Тайпасы:
Жаран
Комментарийлердин саны:
2
Катталган:
01-04-2015
Соӊку аракети:
21-07-2021 19:55
Жынысы:
Белгисиз
+2
Мин жолу на принцип жасаса дагы кошуналарга эч кандай зыянын тийгизбей мешайт этпей ишин кылыш керек да,зыяны тийдиби толош керек,документте жазуу жок болуш керек мен озумдукун курсам жасасам болду жанындагылар эмне болсо ошол болсун деген
24.06.2021. 16:04 
Тайпасы:
Жаран
Комментарийлердин саны:
336
Катталган:
07-08-2017
Соӊку аракети:
24-07-2021 08:41
Жынысы:
Белгисиз
0
Башында сатабыз дешип баасын суйлошушкон экен,кийин суйлошкон баадан кымбат сурашыптыр болбосо сатпайбыз деп.Ошентип тигилер да албайбыз деп койушуптур деп окугам.Кимисиники канчалык туура экенин билбедим.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
172710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: