Чүйдө кызганычтан улам аялын сабап, тирүүлөй аңга көмүп салган кишиге сот өкүм чыгарды

Чүй облусунун Панфилов районунда аялын тирүүлөй көмүп салган жаранга карата сот өкүм чыгарды. Бул тууралуу SUPER.KG порталына Панфилов райондук сотунан билдиришти.

Маалыматка ылайык, сот аны 280 саатка коомдук жумушка тартуу өкүмүн чыгарган.

"Бул маселе сотто каралып жатканда айыпталуучунун аялы "бул ишти өндүрүштөн кыскартып бергиле" деп өзү коюп жаткан айыптарынан баш тартып, тосмо арыз жазып берген. Ал "балдарыбыз бар, мындан ары чогуу жашайбыз" деп кечиргенин билдирген. Соттук процесстер уланып отуруп аны коомдук жумушка тартуу чечими кабыл алынды", - дешти аталган соттон.

Окуянын чоо-жайы:

Ушул жылдын 22-апрель күнү Чүй облусунун Панфилов районуна караштуу Кумарык айылынын тургуну аялын сабап, тирүүлөй аңга көмүп салган.

SUPER.KG порталы окуя болгон жерге барганда, келиндин жакындары окуянын чоо-жайын баяндап беришкен.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүш иши башталган.

Милициянын алдын ала маалыматы боюнча, 35 жаштагы күйөөсү мас абалында үйүнө келип, 33 жаштагы аялын кызганычтан улам сабап, андан кийин үйдүн артына алып барып аңга түртүп, белине чейин көмүп салган. Бул окуяны көргөн кошуналары жардам берип, келинди бошотушкан.

Сурак учурунда күйөөсү кылган ишин моюнга алып, кызганычтын айынан аялын ушундай жол менен коркуткусу келгенин айткан. Көп өтпөй келиндин күйөөсү үй камагына чыгарылган.

Автор: Гүлзина Каныбекова

14:32 24-06-2021

Жазылуу

РУБРИКАДАГЫ СОҢКУ КАБАРЛАР

20:06 2025-05-25 | Түркүн дүйнө

Орусия менен Украина Стамбулдагы келишимин ишке ашырды. Эмне кеп? 1500 0

18:31 2025-05-25 | Маданият, шоу-бизнес

Кыргызстандык жаш талант Бейше жандуу үн менен орусиялыктарды таң калтырды (видео) 984 0

18:10 2025-05-25 | Түркүн дүйнө

Жо Байден рак оорусуна чалдыккандан бери алгачкы ирет эл алдына чыкты 1108 0

17:43 2025-05-25 | Коом жана турмуш

Чүйдө 8 жаштагы Алина Разбицкая дайынсыз болууда 467 0

17:17 2025-05-25 | Коом жана турмуш

Сел жүрүшү мүмкүн. ӨКМ чукул кабар билдирди 873 0

17:10 2025-05-25 | Түркүн дүйнө

Израил 24 сааттын ичинде Газага 100дөн ашуун сокку уруп, 60ка жакын жаран каза болду 565 0

Архив

Комментарийлер (5)

Asmat84

2021-06-24 14:48:54

Аллах ыраазы болсун сизден аял киши ушунчалык өтө боорукер өтө кечиримдүү жан болот экен да. Карагылачы тирүүлөй өлтүрө турган адамды кечирип кантсе да балдарымдын атасы деп актап алыптыр. Аял заты силерге даңк!!!

Aky12

2021-06-24 15:33:11

Бул жолу олумго жеткирбей Аллахым эскертуу берип,тируулой алып калды,кийинкиде тируулой комуп,олтуруп салса озундон кор

+10

nazira...

2021-06-24 20:54:51

280 саат эмне иш кылат ошондо
,,

Egizderim-baktim

2021-06-25 00:41:53

Кайын журту барса керек да аялга ажылдап, Аллахым мындайлардан озун сактай кор

kkkk3259780

2021-06-25 05:57:09

тооба кылгыла. куйоосуно жаза бериш керек бирок.

Комментарий калтыруу үчүн өз ысымыңыз менен кириңиз же каттоодон өтүңүз.