Ооганстандын 17 аскери Тажикстанга өтүп кетти

Кечээ, 27-июнда Ооганстан Улуттук Армиясынын 17 аскери "Талибан" кыймылынын чабуулуна туруштук бере албай, Тажикстандын чек арасына өтүп кетти. Бул тууралуу Тажикстандын Улуттук коопсуздук боюнча мамлекеттик комитетине таянуу менен жергиликтүү басылмалары жазышты.

Маалыматка ылайык, аскерлер "Талибандар" менен түшкө чейин салгылашкандан кийин, туруштук бере албай Тажикстандын аймагына өтүүгө аргасыз болушкан.

"Ооганстан өкмөттүк күчтөрүнүн 17 аскер кызматкери "Шахритус" пункту аркылуу өз өмүрүн сактап калуу үчүн Тажикстандын аймагына өтүүгө аргасыз болушкан. Тажик чек арачылары гуманизм жана жакшы коңшулук принциптерин эске алуу менен мамлекеттик чек араны бузган ооган аскерлерине өз аймагына эркин кирүүгө уруксат берди", - деп билдирген Тажикстандын чек ара кызматы.

Учурда аталган чек ара аймагында абал курч бойдон калууда.

Ооганстанда акыркы бир нече айдын ичинде көптөгөн аймактар "Талибан" кыймылынын колуна өткөн. Акыркы эки-үч күндө эле бул өлкөдөгү өкмөттүк күчтөр 15 райондон чыгып кетүүгө аргасыз болушкан. Ал эми 22-июнда "Талибан" кыймылы Тажикстан менен Ооганстандын чек арасындагы "Шерхан-Бандар" аттуу бажы өткөрмө пунктун басып алган.

1-майда АКШ баштаган чет элдик аскерлер Ооганстандан чыгып кете баштагандан кийин "Талибан" согушкерлери өкмөттүк күчтөргө каршы айыгышкан күрөштү улантууда.

Автор: Азат Бейшенбеков

07:43 28-06-2021

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 613 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 3040 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 808 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1762 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1152 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1685 0

Архив

Комментарийлер (3)

zhaynak

2021-06-28 08:57:13

Гуманизм? Таджиктерби ошондо гумандуу? Каягынар менен кулушту озунор билесинер да эми, гумандуу ким экенин укканда.

+23

Asmat84

2021-06-28 11:47:57

Бул гумандууларды кыйла эрмектешет го талибдерин
Урушаарга жоо таппай урунаарга тоо таппай атышты эле бир эсеби жакшы болду зээрикенде эле бизге тийишип атышты эле

sarbo

2021-06-28 13:23:02

Талибандарга кошулгун келип кетет :))

Комментарий калтыруу үчүн өз ысымыңыз менен кириңиз же каттоодон өтүңүз.